Опубликовано

Утреня

УТРЕНЯ

Шесто­псал­мие

Чтец: Слáва в вы́шних Бóгу, и на зем­ли́ мир, в чело­вé­цех бла­го­волé­ние. (Три­жды)

Гóспо­ди, уст­нé мóи отвéр­зе­ши, и устá мóя возвестя́т хва­лу́ Твóю. (Два­жды)

Пса­лом 3

Гóспо­ди, что ся умнó­жи­ша[172] сту­жá­ю­щии ми[173]; мнó­зи[174] востá­ют на мя, мнó­зи гла­гóлют души́ мóей: несть спасé­ния ему́ в Бóзе егó. Ты же, Гóс­по­ди, Засту́пник мой еси́, слá­ва мóя, и вознося́й[175] гла­ву́ мóю. Глá­сом мóим ко Гóс­по­ду воз­звáх, и услы́ша мя от горы́ святы́я Своéя. Аз усну́х[176] и спах, востáх, я́ко Гос­пóдь засту́пит мя[177]. Не убó­ю­ся от тем[178] людéй, óкрест[179] напá­да­ю­щих на мя. Вос­крес­ни́, Гóс­по­ди, спа­си́ мя, Бóже мой, я́ко Ты порази́л еси́ вся[180] вражду́ющия ми всу́е[181], зу́бы[182] грéш­ни­ков сокруши́л еси́. Гос­пóдне есть спасé­ние, и на лю́дех Твóих бла­го­сло­вé­ние Твóе. Аз усну́х, и спах, востáх, я́ко Гос­пóдь засту́пит мя.

Пса­лом 37

Госпо­ди, да не я́ростию Твóею обличи́ши менé, нижé гнéвом Твóим[183] накá­же­ши менé. Яко стрé­лы Твóя унзó­ша[184] во мне, и утверди́л еси́ на мне ру́ку Твóю. Несть исцелé­ния в плóти мóей от лицá гнé­ва Тво­е­гó, несть ми́ра в костéх мои́х от лицá грех мóих. Яко без­за­кó­ния моя пре­взы­дó­ша[185] гла­ву́ мóю, я́ко брé­мя тя́жкое отя­го­тé­ша на мне. Воз­смер­дé­ша и согни́ша рáны моя от лицá безу́мия мое­гó. Постра­дáх и сля­кóх­ся до кон­цá[186], весь день сéтуя хож­дáх[187]. Яко ля́двия[188] мóя напóл­ни­ша­ся пору­гá­ний[189], и несть исцелé­ния в плóти мóей. Озлóб­лен бых[190] и смири́хся до зелá[191], рыкáх[192] от воз­ды­хá­ния сéрд­ца мое­гó. Гóс­по­ди, пред Тобóю все желá­ние моé, и воз­ды­хá­ние моé от Тебé не утаи́ся[193]. Сéрд­це мóе смятé­ся, остáви мя си́ла мóя, и свет óчию мóею[194], и той несть[195] со мнóю. Дру́зи[196] мои́ и и́скреннии[197] мои́ пря́мо мне[198] прибли́жишася и стá­ша. И бли́жнии мóи отдалé­че менé стá­ша[199], и нуж­дá­ху­ся [200]и́щущии ду́шу мóю; и и́щущии злáя мне, гла­гó­ла­ху су́етная[201] и льсти́ вным[202] весь день поучá­ху­ся. Аз же я́ко глух[203] не слы́шах и яко нем не отверзáяй уст свóих. И бых я́ко[204] чело­вéк не слы́шай и не имы́й во устéх свóих обли­чé­ния[205]. Яко на Тя, Гóс­по­ди, упо­вáх, Ты услы́шиши, Гóс­по­ди Бóже мой. Яко рех[206]: да не когдá порá­ду­ют ми ся[207] вра­зи́ мои́, и вне­гдá подви­жáти­ся[208] ногáм мои́м, на мя велерé­че­ва­ша[209]. Яко аз на рáны готóв, и болéзнь моя́ пре­до мнóю есть вы́ну[210]. Яко без­за­кó­ние моé аз воз­ве­щу́ и попеку́ся[211] о гресé мóем. Вра­зи́ же мóи живу́т, и укрепи́шася пáче[212] менé, и умнó­жи­ша­ся ненави́дящии мя без прáв­ды. Воздá­ю­щии ми злáя воз бла­гáя[213] обо­лгá­ху мя, занé гоня́х благосты́ню[214]. Не остáви менé, Гóс­по­ди Бóже мой, не отсту­пи́ от менé. Вон­ми́ в пóмощь мою́, Гóс­по­ди спасé­ния мое­гó. Не остáви менé, Гóс­по­ди Бóже мой, не отсту­пи́ от менé. Вон­ми́ в пóмощь мóю, Гос­по­ди спасé­ния моегó.

Пса­лом 62

Бóже, Бóже мой, к Тебé у́тренюю[215]: воз­жа­дá Тебé[216] душá мóя, коль мнó­жи­цею Тебé плоть мóя в зем­ли́ пу́сте и непрохóдне и безвóдне[217]. Тáко во святéм яви́хся Тебé, ви́дети си́лу Твóю и слáву Твóю. Яко лу́чши ми́лость Твóя пáче живóт[218], уст­нé мóи похвали́те Тя. Тáко бла­го слов­лю́ Тя в живо­тé мóем, о и́мени Твóем воз­де­жу́ ру́це мóи. Яко от ту́ка и мáсти[219] да испóл­нит­ся душá мóя, и уст­нá­ма рáдо­сти вос­хвá­лят Тя устá моя́. Аще поминáх Тя на постé­ли мóей, на у́тренних поучáх­ся в Тя, я́ко был еси́ Помóщ­ник мой, и в крóве кри­лу́[220] Твоéю возрá­ду­ю­ся. При­льпé[221] душá моя́ по Тебé, менé же прия́т десни́ца[222] Твоя́. Ти́и[223] же всу́е искá­ша[224] ду́шу мóю, вни́дут[225] в пре­ис­пóд­няя зем­ли́[226]. Предадя́тся в ру́ки ору́жия[227], чáсти ли́совом[228] бу́дут. Царь же возвесели́тся о Бóзе, похвá­лит­ся всяк клены́йся Им[229]: я́ко загради́шася устá гла­гóлю­щих непрáвед­ная. На у́тренних поучáх­ся в Тя, я́ко был еси́ Помóщ­ник мой, и в крóве кри­лу́ Твóею возрá­ду­ю­ся. При­льпé душá мóя по Тебе, менé же при́ят десни́ца Твóя.

Слáва Отцу́ и Сы́ну и Святó­му Ду́ху, и ны́не и при́сно и во вéки векóв. Ами́нь.

Аллилу́иа, аллилу́иа, аллилу́иа, слá­ва Тебé, Бóже. (Три­жды)

Гóспо­ди, поми́луй. (Три­жды) Сла­ва, и ныне.

Священ­ник ста­но­вит­ся пред цар­ски­ми вра­та­ми и тихо чита­ет све­тиль­нич­ные молитвы.

Пса­лом 87

Гóспо­ди Бóже спасé­ния мое­гó, во дни воз­звáх, и в нощи́ пред Тобóю. Да вни́дет[230] пред Тя моли́тва мóя, при­к­ло­ни́ у́хо Твóе к молé­нию мое­му́. Яко испóл­ни­ся зол[231] душá мóя, и живóт мой áду[232] прибли́жися. При­в­менéн бых[233] с низходя́щими в ров[234], бых я́ко чело­вéк без пóмо­щи, в мéрт­вых сво­бóдь[235]. Яко я́звеннии спя́щии[236] во грó­бе, и́х же не помяну́л еси́ кто­му́[237], и ти́и от руки́ Твоéя отри­но­вé­ни бы́ша. Положи́ша мя в рóве пре­ис­пóд­нем, в тéм­ных[238] и сéни смéрт­ней[239]. На мне утверди́ся я́рость Твóя, и вся вóл­ны[240] Твóя навéл еси́ на мя. Удá­лил еси́ знáе­мых мóих от менé, положи́ша[241] мя мéр­зость себé. Прé­дан бых и не исхож­дáх[242]. Очи мóи изне­мо­гó­сте[243] от нище­ты́; воз­звáх к Тебé, Гóс­по­ди, весь день, воздéх к Тебé ру́це мóи. Едá мéрт­вы­ми[244] твори́ши чудесá, или́ врá­че­ве воскреся́т, и испо­вé­дят­ся[245] Тебé? Едá повéсть[246] кто во грó­бе ми́лость Твою́ и и́стину Твóю в поги́бели[247]? Едá познá­на бу́дут во тьме чудесá Твоя, и прáв­да Твóя в зем­ли́ забвéн­ней? И аз к Тебé, Гóс­по­ди, воз­звáх, и у́тро моли́тва мóя предвари́т Тя. Вску́ю[248], Гóс­по­ди, отрéе­ши[249] ду́шу мóю, отвра­щáе­ши[250] лицé Твóе от менé? Нищ есмь аз, и в трудéх от ю́ности моéя, воз­нéс же ся, смири́хся и изне­мо­гóх. На мне пре­идó­ша гнéви Твóи, устра­шé­ния Твóя возмути́ша мя. Обы­дó­ша мя я́ко водá, весь день одер­жá­ша мя вку́пе[251]. Удá­лил еси́ от менé дру́га и и́скренняго, и знáе­мых мои́х от страстéй[252]. Гóс­по­ди Бóже спасé­ния мое­гó, во дни воз­звáх, и в нощи́ пред Тобóю. Да вни́дет пред Тя моли́тва мóя, при­к­ло­ни́ у́хо Твóе к молé­нию моему́.

Пса­лом 102

Благо­сло­ви́, душé мóя, Гóс­по­да, и вся вну́тренняя мóя[253], и́мя святóе Егó. Бла­го­сло­ви́, душé моя́, Гóс­по­да, и не забы­вáй всех воздая́ний[254] Егó, очи­щá­ю­ща­го вся без­за­кó­ния твóя, исцеля́ющаго вся неду́ги твóя, избавля́ющаго от ист­лé­ния[255] живóт твой[256], вен­чá­ю­ща­го тя ми́лостию и щед­рóта­ми, исполня́ющаго во благи́х[257] желá­ние твоé, обнови́тся я́ко óрля[258] ю́ность твоя́. Творя́й ми́лостыни Гос­пóдь, и судь­бу́[259] всем оби́димым. Сказá[260] пути́ Свóя Моисéо­ви, сыно­вóм Изрáи­ле­вым хотé­ния[261] Свóя. Щедр и ми́лостив Гос­пóдь, долготерпели́в и многоми́лостив. Не до кон­цá про­гнé­ва­ет­ся, нижé во век вражду́ет[262]. Не по без­за­кó­ни­ем нáшим сотвори́л есть нам, нижé по грехóм нáшим воздáл есть нам. Яко по высо­тé небéс­ней от зем­ли́[263], утверди́л есть Гос­пóдь ми́лость Свóю[264] на бóя­щих­ся Егó. Ели́ко отстóят[265] востó­цы от зáпад, удá­лил есть от нас без­за­кó­ния нáша. Яко­же щéд­рит[266] отéц сы́ны, ущéд­ри Гос­пóдь бóя­щих­ся Егó. Яко Той познá[267] создá­ние нáше, помя­ну́[268], я́ко персть есмы́[269]. Чело­вéк, я́ко травá дни́е егó, я́ко цвет сéль­ный[270], тáко оцветéт. Яко дух прóй­де в нем[271], и не бу́дет, и не познáет кто­му́[272] мéста сво­е­гó. Ми́лость же Гос­пóд­ня от вéка и до вéка на бóя­щих­ся Егó, и прáв­да Егó на сынéх сынóв, храня́щих завéт Егó, и пóм­ня­щих зáпо­ве­ди Егó твори́ти я́[273]. Гос­пóдь на небе­си́ уго­тó­ва[274] Пре­стóл Свой, и Цáр­ство Егó всé­ми обла­дáет. Благослови́те Гóс­по­да, вси áнге­ли Егó, си́льнии крé­по­стию, творя́щии слóво Егó, услы́шати глас[275] сло­вéс Егó. Благослови́те Гóс­по­да, вся си́лы[276] Егó, слу­ги́ Егó, творя́щии вóлю Егó. Благослови́те Гóс­по­да, вся делá Егó. На вся́ком мéсте влады́чествия Егó бла­го­сло­ви́, душé мóя, Гóс­по­да. На вся́ ком мéсте влады́чествия Егó бла­го­сло­ви́, душé мóя, Гóспода.

Пса­лом 142

Госпо­ди, услы́ши моли́тву мóю, вну­ши́[277] молé­ние моé во и́стине Твоéй, услы́ши мя в прáв­де Тво­ей и не вни́ди[278] в суд с рабóм Твóим, я́ко не оправди́тся пред Тобóю вся́к живы́й[279]. Яко погнá[280] враг ду́шу мóю, смири́л есть в зéм­лю живóт мой[281]. Посади́л мя есть[282] в тéм­ных[283], я́ко мéрт­выя вéка[284], и уны́[285] во мне дух мой, во мне смятé­ся сéрд­це мóе. Помяну́х дни дрéв­ния, поучи́хся во всех[286] дéлех Твóих, в творé­ни­их руку́ Твоéю поучáх­ся[287]. Воздéх к Тебé ру́це[288] мои́, душá моя́, я́ко зем­ля́ безвóд­ная Тебé. Скó­ро услы́ши мя, Гос­по­ди, исчезé[289] дух мой, не отвра­ти́ лицá Тво­е­гó от менé, и уподóб­лю­ся низходя́щим в ров[290]. Слы́шану сотво­ри́[291] мне зáут­ра[292] ми́лость Твóю, я́ко на Тя упо­вáх. Ска­жи́[293] мне, Гос­по­ди, путь, вóнь­же[294] пой­ду́, я́ко к Тебé взях[295] ду́шу мóю. Изми́[296] мя от враг мóих, Гóс­по­ди, к Тебé при­бе­гóх[297]. Научи́ мя твори́ти вóлю Твóю, я́ко Ты еси́ Бог мой. Дух Твой Благи́й настáвит[298] мя на зéм­лю прáву[299]. Имене Тво­е­гó рáди, Гóс­по­ди, живи́ши[300] мя, прáв­дою Твóею изведé­ши от печá­ли ду́шу мою́; и ми́лостию Твоéю потреби́ши[301] вра­ги́ мóя, и погуби́ши вся сту­жá­ю­щыя[302] души́ мóей, я́ко аз раб Твой есмь.

Услы́ши мя, Гóс­по­ди, в прáв­де Твоéй, и не вни́ди в суд с рабóм Твóим.

Услы́ши мя, Гóс­по­ди, в прáв­де Твоéй, и не вни́ди в суд с рабóм Твóим.

Дух Твой Благи́й настáвит мя на зéм­лю прáву.

Слáва, и ны́не: Аллилу́иа, аллилу́иа, аллилу́иа, слá­ва Тебé, Бóже. (Три­жды)

Екте­ния великая

Диакон: Ми́ром Гос­по­ду помóлимся.

Хор: Госпо­ди, поми­луй. (На каж­дое прошение)

Диакон: О свы́шнем ми́ре и спасé­нии душ наших Гос­по­ду помóлимся.

О ми́ре все­го мира, бла­го­стóя­нии святы́х Бóжи­их Церквéй и соединé­нии всех Гос­по­ду помóлимся.

О святéм хра­ме сем и с вéрою, бла­го­го­вé­ни­ем и стрá­хом Бóжи­им входя́щих вóнь[303] Гос­по­ду помóлимся.

О Вели́ком Господи́не и Отцé нашем Святéй­шем Патри́архе Кирил­ле, и о господи́не нáшем прео­свя­щéн­ней­шем митрополи́те (или: архиепи́скопе, или: епи́скопе) (имя), чест­нéм пресви́терстве, во Хри­стé ди́аконстве, о всем при́чте и лю́дех Гос­по­ду помóлимся.

О богохрани́мей странé нáшей, властéх и вóин­стве éя Гос­по­ду помóлимся.

О грá­де сем (или: о вéси сей; если в мона­сты­рé, то: о святéй оби́тели сей), вся́ком грá­де, странé и вéрою живу́щих в них Гос­по­ду помóлимся.

О бла­го­рас­творé­нии возду́хов, о изоби́лии плодóв земны́х и врé­ме­нех ми́рных Гос­по­ду помóлимся.

О плá­ва­ю­щих, путе­шéству­ю­щих, неду́гующих, стрáж­ду­щих, пленéн­ных и о спасé­нии их Гос­по­ду помóлимся.

О избáви­ти­ся нам от вся́кия скор­би, гне­ва и ну́жды Гос­по­ду помóлимся.

Засту­пи́, спа­си́, поми́луй и сохра­ни́ нас, Боже, Тво­ею благодáтию.

Пресвяту́ю, Пречи́стую, Пре­бла­го­сло­вéн­ную, слáв­ную Влады́чицу нашу Богорó­ди­цу и Прис­нодéву Мари́ю со всé­ми святы́ми помяну́вше, сáми себé, и друг дру́га, и весь живóт наш Хри­сту Богу предади́м.

Хор: Тебе, Гос­по­ди.

Иерей: Яко подобáет Тебé вся́кая слá­ва, честь и поклонé­ние, Отцу́ и Сы́ну и Святó­му Ду́ху, ны́не и при́сно и во вéки векóв.

Хор: Ами́нь.

Бог Гос­подь

Диакон: Бог Гос­пóдь, и яви́ся нам, бла­го­сло­вéн Гряды́й во и́мя Госпóдне.

Хор: Бог Гос­пóдь, и яви́ся нам, бла­го­сло­вéн Гряды́й во и́мя Гос­пóдне. (И далее то же на каж­дый стих)

Стих 1: Испо­вé­дай­те­ся Гóс­по­де­ви[304], я́ко благ, я́ко в век ми́лость Егó.

Стих 2: Обышéд­ше обы­дó­ша мя[305], и и́менем Гос­пóд­ним противля́хся[306] им.

Стих 3: Не умру́, но жив бу́ду, и повéм[307] делá Госпóдня.

Стих 4: Кáмень, егó­же небре­гó­ша зи́ждущии[308], сей бысть во гла­ву́ у́гла[309], от Гóс­по­да бысть сей, и есть ди́вен во очесéх нáших.

Хор поет тро­па­ри, закан­чи­вая их Богородичным.

Чтец чита­ет две кафиз­мы. Устав о чте­нии кафизм поме­щен в Типи­коне и Сле­до­ван­ной Псал­ти­ри. После каж­дой кафиз­мы про­из­но­сит­ся малая екте­ния и чита­ет­ся седален.

Поли­е­лей

Хор: Хвали́те и́мя Гос­пóдне, хвали́те, раби́ Гóспода.

Алли­лу­иа, алли­лу­иа, алли­лу­иа[310].

Благо­сло­вéн Гос­пóдь от Сиó­на, живы́й[311] во Иерусали́ме.

Алли­лу­иа, алли­лу­иа, аллилуиа.

Испо­вé­дай­те­ся Гóс­по­де­ви, я́ко Благ, я́ко в век ми́лость Егó.

Алли­лу­иа, алли­лу­иа, аллилуиа.

(Перед Вели­ким постом, в Неде­ли о блуд­ном сыне, мясо­пуст­ную и сыро­пуст­ную, добав­ля­ет­ся пса­лом 136 «На реках Вави­лон­ских…» с при­пе­вом «Алли­лу­иа» к каж­до­му стиху.)

Поет­ся вели­ча­ние, если есть[312].

Тро­па­ри вос­крес­ные, глас 5[313]

Хор: Благо­сло­вéн еси́, Гóс­по­ди, научи́ мя оправ­дá­ни­ем Твóим.

Ангель­ский собóр[314] удиви́ся, зря[315] Тебé в мéрт­вых вмени́вшася[316], смéрт­ную же, Спá­се, крé­пость разори́вша[317], и с Собóю Адá­ма воздви́гша, и от áда вся свобóждша.

Благо­сло­вéн еси́, Гóс­по­ди, научи́ мя оправ­дá­ни­ем Твóим.

Почтó ми́ра[318] с ми́лостивными слезá­ми, о учени́цы, растворя́ете? бли­стáяй­ся во грó­бе Ангел миронó­си­цам вещá­ше[319]: ви́дите вы гроб и ура­зу­мéй­те, Спас бо вос­крé­се от грóба.

Благо­сло­вéн еси́, Гóс­по­ди, научи́ мя оправ­дá­ни­ем Твóим.

Зелó рáно[320] миронó­си­цы течá­ху[321] ко грó­бу Тво­е­му́ рыдá­ю­ща, но пред­стá к ним áнгел и речé: рыдá­ния врé­мя пре­стá[322], не плá­чи­те, вос­кресé­ние же апóсто­лом рцы́те[323].

Благо­сло­вéн еси́, Гóс­по­ди, научи́ мя оправ­дá­ни­ем Твóим.

Миронó­си­цы жены́, с ми́ры при­шéд­ша ко грó­бу Тво­е­му́ Спá­се, рыдá­ху, áнгел же к ним речé, гла­гó­ля: что с мéрт­вы­ми Живá­го помышля́ете? Яко Бог бо вос­крé­се от грóба.

Слáва Отцу́ и Сы́ну и Святó­му Ду́ху.

Поклони́мся Отцу́ и Егó Сы́нови и Святó­му Ду́ху, Святéй Трóи­це во еди́ном суще­ствé, с Серафи́мы зову́ще: Свят, Свят, Свят еси́, Гóсподи.

И ны́не и при́сно и во вéки векóв. Ами́нь.

Жизнодáв­ца рóжд­ши, грехá, Дéво, Адá­ма избáви­ла еси́, рáдость же Еве в печá­ли мéсто[324] подалá еси́; пáд­шыя же от жи́зни к сей напрáви[325] из Тебé воплоти́выйся Бог и Человéк.

Аллилу́иа, аллилу́иа, аллилу́иа, слá­ва Тебé, Бóже. (Три­жды)

Диакон про­из­но­сит малую ектению.

Иерей: Я́ко благослови́ся и́мя Твое, и просла́вися Ца́рство Твое́, О́тца и Сына и Свята́го Духа, ны́не и при́сно и во ве́ки веко́в.

Хор: Аминь.

Чтец чита­ет ипа­кои и седальны

Анти­фон 4 гласа

Хор: От ю́ности моéя мнó­зи[326] бóрют мя стрá­сти, но Сам мя засту­пи́ и спа­си́, Спá­се мой.

Ненави́дящии Си́она, посрами́теся от Гóс­по­да, я́ко травá бо огнéм[327] бу́дете изсóх­ше[328].

Слава, и ныне: Святы́м Ду́хом вся́ка душá живи́тся, и чисто­тóю воз­вы­шáет­ся, свет­лéет­ся Трóи­че­ским еди́нством священнотáйне.

Проки­мен и чте­ние Евангелия

Про­ким­ны вос­крес­ные на утрене

Глас 1

Ны́не вос­крес­ну́, гла­гóлет Гос­пóдь, положу́ся во спасé­ние, не обиню́ся о нем.

Стих: Словесá Гос­пóд­ня, сло­весá чи́ста.

Глас 2

Востá­ни, Гóс­по­ди Бóже мой, повелé­ни­ем, и́мже запо­вé­дал еси́, и сонм людéй обы́дет Тя.

Стих: Гóспо­ди Бóже мой, на Тя упо­вáх, спа­си́ мя.

Глас 3

Рцы́те во язы́цех, я́ко Гос­пóдь воцари́ся, и́бо испрáви все­лéн­ную, я́же не подви́жится.

Стих: Воспóй­те Гóс­по­де­ви песнь нóву, вос­пóй­те Гóс­по­де­ви, вся земля́.

Глас 4

Воскрес­ни́, Гóс­по­ди, помо­зи́ нам, и избáви нас и́мене Тво­е­гó рáди.

Стих: Боже, уши́ма нáши­ма услы́шахом, и отцы наши возвести́ша нам.

Глас 5

Воскрес­ни́, Гóс­по­ди Бóже мóй, да воз­несéт­ся рукá Твоя́, я́ко Ты цáр­ству­е­ши во вéки.

Стих: Испо­вéм­ся Тебé, Гóс­по­ди, всем сéрд­цем мóим, повéм вся чудесá Твóя.

Глас 6

Гóспо­ди, воздви́гни си́лу Твóю и при­и­ди́ во éже спа­сти́ нас.

Стих: Пасы́й Изрáи­ля, вон­ми́, наставля́яй я́ко овчá И́осифа.

Глас 7

Воскрес­ни́, Гóс­по­ди Бóже мой, да воз­несéт­ся рукá Твоя́, не забу́ди убó­гих Твои́х до концá.

Стих: Испо­вéм­ся Тебе, Гос­по­ди, всем серд­цем моим, повéм вся чудесá Твоя.

Глас 8

Воцари́тся Гос­пóдь во век, Бог твой, Си́оне, в род и род.

Стих: Хвали́, душе моя, Гóс­по­да, вос­хва­лю́ Гос­по­да в живо­тé моем.

Вос­крес­ная песнь по Еван­ге­лии, глас 6

Хор или народ: Воскресé­ние Хри­стóво ви́девше, поклони́мся Святó­му Гóс­по­ду Иису́су, Еди́ному Без­грéш­но­му. Кре­сту́ Тво­е­му́ покланя́емся, Хри­стé, и святóе Вос­кресé­ние Твóе пóем и слáвим: Ты бо еси́ Бог наш, рáз­ве[329] Тебé инó­го[330] не знáем, и́мя Твóе имену́ем[331]. Прииди́те, вси вéр­нии, поклони́мся святó­му Хри­стóву Вос­кресé­нию: се бо прии́де[332] Кре­стóм рáдость все­му́ ми́ру. Все­гдá благословя́ще Гóс­по­да, пóем Вос­кресé­ние Егó: распя́тие бо пре­тер­пéв, смéр­тию смерть раз­ру­ши́[333].

Пса­лом 50[334]

Хор: Сла­ва: Моли́твами апóсто­лов, Ми́лостиве, очи́сти, мнó­же­ство согре­шé­ний нáших.

И ныне: Моли́твами Богорó­ди­цы, Ми́лостиве, очи́сти, мнó­же­ство согре­шé­ний нáших.

Поми́луй мя́, Бóже, по вели́цей ми́лости Твóей, и по мнó­же­ству щед­рóт Твóих очи́сти без­за­кó­ние мóе.

Сти­хи­ра вос­крес­ная или праздника

Хор: Воскрéс Иису́с от грó­ба, я́коже про­речé[335], дадé[336] нам живóт вéч­ный[337], и вéлию[338] ми́лость.

(С Неде­ли о мыта­ре и фари­сее в вос­крес­ные дни Вели­ко­го поста вме­сто «Молит­ва­ми апо­сто­лов…» и про­че­го поется:

Покая́ния отвéр­зи ми двéри, Жиз­нодáв­че, у́тренюет бо дух мой ко хрá­му святó­му Тво­е­му́, храм нося́й телéс­ный весь осквер­нéн; но я́ко Щедр, очи́сти бла­го­у­трóб­ною Твоéю ми́лостию.)

Диакон: Спаси́, Боже, лю́ди Твоя и бла­го­сло­ви́ достоя́ние Твое, посе­ти́ мир Твой ми́лостию и щед­рóта­ми, возвы́си рог хри­стиáн пра­во­слáв­ных и низ­посли́ на ны ми́лости Твóя богáтыя; моли́твами Всепречи́стыя Влады́чицы нáшея Богорó­ди­цы и Прис­нодé­вы Мари́и; си́лою Чест­нá­го и Животворя́щаго Кре­стá; пред­стá­тель­ст­вы честны́х Небéс­ных Сил без­плóт­ных; чест­нá­го слáв­на­го Прорóка, Пред­тé­чи и Крести́теля Иóан­на; святы́х слáв­ных и все­хвáль­ных апóстол; и́же во святы́х отéц наших и все­лéн­ских вели́ких учи́телей и святи́телей Васи́лия Вели́каго, Гри­гóрия Бого­слó­ва и Иóан­на Златоу́стаго; и́же во святы́х отцá нáше­го Нико­лая, архиепи́скопа Мирлики́йскаго, Чудо­твóр­ца; святы́х рав­но­ап­óстоль­ных Мефó­дия и Кири́лла, учи́телей Сло­вéн­ских, святы́х рав­но­ап­óстоль­ных вели́каго кня́зя Влади́мира и вели́кия княги́ни Оль­ги, и́же во святы́х отец наших всея́ Росси́и чудо­твóр­цев Михáи­ла, Пет­рá, Алекси́я, Ионы, Фили́ппа и Ермо­гé­на; святы́х слáв­ных и доб­ро­по­бéд­ных му́чеников, пре­подóб­ных и богонóс­ных отéц нáших, святы́х и прáвед­ных Бого­отéц Иоаки́ма и Анны (и свя­то­го, кото­ро­му посвя­щен храм и свя­то­го, память кото­ро­го празд­ну­ет­ся в этот день) и всех святы́х; мóлим Тя, Многоми́лостиве Гóс­по­ди, услы́ши нас, греш­ных, моля́щихся Тебе, и поми́луй нас.

Хор: Гóспо­ди, поми́луй. (12 раз)

Иерей: Ми́лостию и щед­рóта­ми и человеколю́бием Еди­норóд­на­го Тво­е­гó Сы́на, с Ни́мже бла­го­сло­вéн еси́, со Пресвяты́м и Благи́м и Животворя́щим Твои́м Ду́хом, ны́не и при́сно и во вéки векóв. Аминь.

Канон

Чита­ет­ся канон, ирмо­сы кото­ро­го поют­ся на соот­вет­ству­ю­щий глас. По тре­тьей пес­ни — малая екте­ния и кондак, икос, седа­лен, Бого­ро­ди­чен, ипа­кои, — по Уста­ву. По шестой пес­ни — малая екте­ния, кондак и икос. После каж­дой пес­ни кано­на (или толь­ко после 3‑й, 6‑й, 8‑й и 9‑й) поет­ся катавасия.

На вос­крес­ной утрене обыч­но поет­ся ката­ва­сия «Отвер­зу уста моя» — ирмо­сы из кано­на Бого­ро­ди­це, глас 4.

Песнь 1: Отвéр­зу устá мóя, и напóл­нят­ся ду́ха, и слóво отры́гну[339] Цари́це Мáте­ри, и явлю́ся свéт­ло торжеству́я, и вос­пою́ рáду­я­ся Тóя чудесá.

Песнь 3: Твóя пес­но­слóв­цы[340], Богорó­ди­це, живы́й и незави́стный[341] Истóч­ни­че, лик себé совоку́пльшия[342] духóв­но утверди́в Божéствен­ней Твóей слáве, вен­цéв слá­вы сподóби.

Песнь 4: Седя́й в слáве на Пре­стó­ле Боже­ствá, во óбла­це лéг­це, прии́де Иису́с Пре­бо­жéствен­ный, нетлéн­ною длá­нию[343], и спасé зову́щия: слá­ва, Хри­стé, си́ле Твоéй.

Песнь 5: Ужасó­ша­ся[344] вся́ческая о Божéствен­ней слáве Твóей: Ты бо, Неис­ку­со­брáч­ная Дéво, имé­ла еси́ во утрó­бе над всé­ми Бóга, и роди­лá еси́ Без­лéт­на­го Сы́на, всем вос­пе­вá­ю­щим Тя мир подавáющая.

Песнь 6: Божéствен­ное си́е и все­чест­нóе совер­шá­ю­ще прáзд­не­ство, богому́дрии, Бого­мá­те­ре, прииди́те, рукá­ми вос­плé­щим, от Нéя рóжд­ша­го­ся Бóга слáвим.

Песнь 7: Не послужи́ша твáри[345] богому́дрии пáче[346] Создáв­ша­го, но óгнен­ное пре­щé­ние[347] му́жески попрáв­ше[348], рáдо­ва­х­у­ся пóю­ще: пре­пéтый отцéв Гос­пóдь и Бог, бла­го­сло­вéн еси́.

После чте­ния тро­па­рей вось­мой пес­ни кано­на, перед ката­ва­си­ей, поется:

Хвáлим, благослови́м, покланя́емся Гóс­по­де­ви, пóю­ще и превознося́ще во вся вéки.

Песнь 8: Отро­ки благочести́выя в пещи́ рож­де­ствó Богорó­дич­но спас­лó есть, тогдá у́бо образу́емое[349], ны́не же дéй­ству­е­мое, все­лéн­ную всю воздвизáет пéти Тебé: Гóс­по­да пóй­те делá, и превозноси́те Егó во вся вéки.

Диакон: Богорó­ди­цу и Мáтерь Свéта в пéс­нех возвели́чим.

Песнь Пре­свя­той Бого­ро­ди­цы[350]

1. Вели́чит душá Мóя Гóс­по­да, и возрá­до­ва­ся дух Мой о Бóзе Спá­се Мóем.

Чест­нéй­шую Херуви́м и слáв­ней­шую без срав­нé­ния Серафи́м, бéз ист­лé­ния[351] Бóга Слó­ва рóжд­шую, су́щую Богорó­ди­цу Тя величáем.

2. Яко при­з­рé на сми­рé­ние рабы́ Сво­ея́, се бо от ны́не убла­жáт Мя вси рóди.

Чест­нéй­шую Херуви́м и слáв­ней­шую без срав­нé­ния Серафи́м, бéз ист­лé­ния Бóга Слó­ва рóжд­шую, су́щую Богорó­ди­цу Тя величáем.

3. Яко сотво­ри́ Мне вели́чие Си́льный, и свя́то и́мя Егó, и ми́лость Егó в рóды родóв[352] бóя­щим­ся Егó.

Чест­нéй­шую Херуви́м и слáв­ней­шую без срав­нé­ния Серафи́м, бéз ист­лé­ния Бóга Слó­ва рóжд­шую, су́щую Богорó­ди­цу Тя величáем.

4. Сотво­ри́ дер­жáву мы́шцею[353] Свóею, рас­то­чи́ гóр­дыя мы́слию сéрд­ца их[354].

Чест­нéй­шую Херуви́м и слáв­ней­шую без срав­нé­ния Серафи́м, бéз ист­лé­ния Бóга Слó­ва рóжд­шую, су́щую Богорó­ди­цу Тя величáем.

5. Низ­ло­жи́ си́льныя со пре­стóл, и воз­несé сми­рéн­ныя; áлчу­щия испóл­ни благ, и богатя́щияся отпу­сти́ тщи[355].

Чест­нéй­шую Херуви́м и слáв­ней­шую без срав­нé­ния Серафи́м, бéз ист­лé­ния Бóга Слó­ва рóжд­шую, су́щую Богорó­ди­цу Тя величáем.

6. Воспри́ят[356] Изрáи­ля óтро­ка Сво­е­гó, помяну́ти[357] ми́лости, я́коже гла­гó­ла[358] ко отцéм нáшим, Аврáа­му и сéме­ни[359] егó, дáже до вéка[360].

Чест­нéй­шую Херуви́м и слáв­ней­шую без срав­нé­ния Серафи́м, бéз ист­лé­ния Бóга Слó­ва рóжд­шую, су́щую Богорó­ди­цу Тя величáем.

Песнь 9: Всяк земнорóд­ный да взыг­рáет­ся[361], Ду́хом про­све­щáемь, да торжеству́ет же без­плóт­ных умóв[362] есте­ствó, почи­тá­ю­щее свя­щéн­ное тор­же­ствó Бого­мá­те­ре, и да вопи́ет: рáдуй­ся, Все­б­ла­жéн­ная, Богорó­ди­це Чи́стая Приснодéво.

Екте­ния малая

Диакон: Пáки и пáки ми́ром Гос­по­ду помóлимся.

Хор: Госпо­ди, помилуй.

Диакон:Засту­пи́, спа­си́, поми́луй и сохра­ни́ нас, Боже, Твóею благодáтию.

Хор: Госпо­ди, помилуй.

Диакон: Пресвяту́ю, Пречи́стую, Пре­бла­го­сло­вéн­ную, Слáв­ную Влады́чицу нáшу Богорó­ди­цу и Прис­нодéву Мари́ю со всé­ми святы́ми помяну́вше, сáми себé и друг дру́га и весь живóт наш Хри­сту Богу предади́м.

Хор: Тебе, Гос­по­ди.

Иерей: Яко Тя хва­лят вся силы небес­ныя, и Тебе сла­ву воз­сы­ла­ем, Отцу и Сыну и Свя­то­му Духу, ны́не и при́сно и во вéки векóв.

Хор: Аминь.

Диакон (в вос­кре­се­нье): Свят Гос­подь Бог наш[363].

Хор: Свят Гос­подь Бог наш.

Диакон: Яко Свят Гос­подь Бог наш.

Хор: Свят Гос­подь Бог наш.

Диакон: Над все­ми людь­ми Бог наш.

Хор: Свят Гос­подь Бог наш.

Чтец чита­ет ексапостиларий.

Хва­лит­ные псалмы

1‑й лик: Вся́кое дыхá­ние да хвá­лит Гóс­по­да. Хвали́те Гóс­по­да с небéс, хвали́те Егó в вы́шних. Тебé подобáет песнь Бóгу.

2‑й лик: Хвали́те Егó вси áнге­ли Егó, хвали́те Егó вся си́лы Егó. Тебé подобáет песнь Бóгу.

На 6

Сотвори́ти в них суд напи́сан. Слá­ва си́я бу́дет всем пре­подóб­ным Егó[364].

Хвали́те Бога во святы́х Егó, хвали́те Егó во утвер­жé­нии си́лы Егó.

На 4

Хвали́те Егó на си́лах Егó, хвали́те Егó по мнó­же­ству вели́чествия Его.

Хвали́те Егó во глá­се тру́бнем, хвали́те Егó во псалти́ри и гу́слех[365].

Хвали́те Егó в тим­пáне и ли́це, хвали́те Егó во стру́нах и оргáне.

Хвали́те Егó в ким­вá­лех[366] доб­ро­глáс­ных, хвали́те Егó в ким­вá­лех вос­кли­цá­ния. Вся́кое дыхá­ние да хвá­лит Гóспода.

Сти­хи к вос­крес­ным стихирам

Стих 1: Воскрес­ни́, Гóс­по­ди Бóже мой, да воз­несéт­ся рукá Твóя, не забу́ди убó­гих Твóих до концá.

Стих 2: Испо­вéм­ся Тебé, Гóс­по­ди, всем сéрд­цем мóим, повéм вся чудесá Твóя.

Слава: Сти­хи­ра евангельская.

И ныне: Бого­ро­ди­чен, глас 2:

Пребла­го­сло­вéн­на еси́, Богорó­ди­це Дéво, Воплó­щ­шим бо ся[367] из Тебé ад плени́ся[368], Адáм воз­звá­ся, кля́тва потреби́ся[369], Ева свободи́ся, смерть умертви́ся, и мы ожи́хом[370]. Тем вос­пе­вá­ю­ще вопи́ем: бла­го­сло­вéн Хри­стóс Бог, благоволи́вый тáко, слá­ва Тебé.

Иерей: Слава Тебе, пока­зав­ше­му нам свет.

Сла­во­сло­вие великое

Хор: Слáва в вы́шних Бóгу, и на зем­ли́ мир, в чело­вé­цех бла­го­волé­ние. Хвá­лим Тя, благослови́м Тя, клá­ня­ем Ти ся, сла­во­слóвим Тя, благодари́м Тя, вели́кия рáди слá­вы Твоéя. Гóс­по­ди, Царю́ Небéс­ный, Бóже Отче Вседержи́телю, Гóс­по­ди, Сы́не Еди­норóд­ный, Иису́се Хри­стé, и Святы́й Ду́ше. Гóс­по­ди Бóже, Агн­че Бóжий, Сы́не Отéчь, взéм­ляй[371] грех ми́ра, поми́луй нас; взéм­ляй гре­хи́ ми́ра, при­и­ми́ моли́тву нáшу. Седя́й одесну́ю Отцá, поми́луй нас. Яко Ты еси́ еди́н Свят, Ты еси́ еди́н Гос­пóдь, Иису́с Хри­стóс, во слáву Бóга Отцá, ами́нь.

На всяк день бла­го­слов­лю́ Тя и вос­хва­лю́ и́мя Твóе во вéки, и в век вéка.

Сподó­би, Гóс­по­ди, в день сей без грехá сохрани́тися нам. Бла­го­сло­вéн еси́, Гóс­по­ди, Бóже отéц нáших, и хвáль­но и про­слáв­ле­но и́мя Твóе во вéки, ами́нь.

Бу́ди, Гóс­по­ди, ми́лость Твóя на нас, я́коже упо­вá­хом на Тя.

Благо­сло­вéн еси́, Гóс­по­ди, научи́ мя оправ­дá­ни­ем Твóим. (Три­жды)

Гóспо­ди, при­бé­жи­ще был еси́ нам в род и род. Аз рех: Гóс­по­ди, поми́луй мя, исце­ли́ ду́шу мóю, я́ко согреши́х Тебé.

Гóспо­ди, к Тебé при­бе­гóх, научи́ мя твори́ти вóлю Твóю, я́ко Ты еси́ Бог мой: я́ко у Тебé истóч­ник живо­тá, во свé­те Твóем у́зрим свет. Пробáви[372] ми́лость Твою́ вéду­щим[373] Тя.

Святы́й Бóже, Святы́й Крéп­кий, Святы́й Без­смéрт­ный, поми́луй нас. (Три­жды)

Слава, и ныне: Святы́й Без­смéрт­ный, поми́луй нас.

Святы́й Бóже, Святы́й Крéп­кий, Святы́й Без­смéрт­ный, поми́луй нас.

Тро­па­ри вос­крес­ные по сла­во­сло­вии великом

Если глас 1, 3, 5, 7:

Днесь[374] спасé­ние ми́ру бысть, поéм Вос­крéс­ше­му из грó­ба и Начáль­ни­ку жи́зни нáшея: разруши́в бо смéр­тию смерть, побé­ду дадé нам и вéлию ми́лость.

Если глас 2, 4, 6, 8:

Воскрéс из грó­ба и у́зы рас­терзáл еси́ áда, разруши́л еси́ осуж­дé­ние смéр­ти, Гóс­по­ди, вся от сетéй вра­гá избáви­вый, яви́вый же Себé апóсто­лом Твои́м, послáл еси́ я́[375] на прó­по­ведь, и тéми мир Твой пóдал еси́ все­лéн­ней, Еди́не Многоми́лостиве.

Екте­ния сугубая

Диакон: Рцем вси от всея́ души́, и от все­гó помыш­лé­ния нáше­го рцем.

Хор: Госпо­ди, помилуй.

Диакон: Госпо­ди Вседержи́телю, Боже отец нáших, мóлим Ти ся, услы́ши и поми́луй.

Хор: Госпо­ди, помилуй.

Диакон: Поми́луй нас, Боже, по вели́цей ми́лости Твóей, мóлим Ти ся, услы́ши и поми́луй.

Хор: Госпо­ди, поми­луй; Гос­по­ди, поми­луй; Гос­по­ди, поми­луй (на каж­дое после дую­щее про­ше­ние).

Диакон: Ещé мóлим­ся о Вели́ком Господи́не и Отцé нáшем Святéй­шем Пат­риáр­хе Кирил­ле, и о господи́не нáшем прео­свя­щéн­ней­шем митрополи́те (или: архиепи́скопе, или: епи́скопе) (имя), и всей во Хри­стé брáтии нáшей.

Ещé мóлим­ся о богохрани́мей странé нáшей, властéх и вóин­стве éя, да ти́хое и без­мóлв­ное жити́е поживéм во вся́ком бла­гочé­стии и чистотé.

Ещé мóлим­ся о бла­жéн­ных и прис­но­пá­мят­ных создá­те­лех святá­го хрá­ма сегó (если в мона­сты­ре: святы́я оби́тели сея́), и о всех преждепочи́вших отцéх и брáти­ях, зде лежá­щих и повсю́ду, правослáвных.

Ещé мóлим­ся о ми́лости, жи́зни, ми́ре, здрáвии, спасé­нии, посе­щé­нии и остав­лé­нии грехóв рабóв Бóжи­их, брáтии святá­го хрá­ма сегó (если в мона­сты­ре: святы́я оби́тели сéя).

Ещé мóлим­ся о плодонося́щих и доб­родé­ю­щих во святéм и все­чест­нéм хрá­ме сем, труж­дá­ю­щих­ся, пóю­щих и пред­стóя­щих лю́дех, ожидá­ю­щих от Тебé вели́кия и богáтыя ми́лости.

Иерей: Яко Ми́лостив и Человеколю́бец Бог еси́, и Тебé слáву воз­сы­лáем, Отцу́ и Сы́ну и Святó­му Ду́ху, ны́не и при́сно и во вéки векóв.

Хор: Аминь.

Екте­ния просительная

Диакон: Испóл­ним вечéр­нюю моли́тву нáшу Гóсподеви.

Хор: Госпо­ди, помилуй.

Диакон: Засту­пи́, спа­си́, поми́луй и сохра­ни́ нас, Боже, Твóею благодáтию.

Вéче­ра все­гó совер­шéн­на, свя́та, ми́рна и без­грéш­на у Гóс­по­да прóсим.

Хор: Подáй, Гос­по­ди (на каж­дое про­ше­ние).

Диакон: Анге­ла ми́рна, вéр­на настáв­ни­ка, храни́теля душ и телéс нáших, у Гóс­по­да прóсим.

Прощé­ния и остав­лé­ния грехóв и пре­гре­шé­ний нáших у Гос­по­да прóсим.

Дóбрых и полéз­ных душáм нáшим и ми́ ра ми́рови у Гóс­по­да прóсим.

Прóчее врé­мя живо­тá нáше­го в ми́ре и покáя­нии скон­чáти у Гóс­по­да прóсим.

Христи́анския кончи́ны живо­тá нáше­го, без­болéз­не­ны, непосты́дны, ми́рны и дóбра­го отвéта на Стрáш­нем Суди́щи Хри­стóве прóсим.

Пресвяту́ю, Пречи́стую, Пре­бла­го­сло­вéн­ную, слáв­ную Влады́чицу нáшу Богорó­ди­цу и Прис­нодéву Мари́ю со всé­ми святы́ми помяну́вше, сами себé и друг дру́га и весь живóт наш Хри­сту́ Бóгу предади́м.

Хор: Тебе, Гос­по­ди.

Иерей: Яко Благ и Человеколю́бец Бог еси́, и Тебé слáву воз­сы­лáем, Отцу́ и Сы́ну и Святó­му Ду́ху, ны́не и при́сно и во вéки векóв.

Хор: Аминь.

Иерей: Мир всем.

Хор: И ду́хови твоему́.

Диакон: Главы́ нáша Гóс­по­де­ви приклóним.

Хор: Тебе, Гос­по­ди.

Священ­ник во вре­мя екте­нии тихо чита­ет гла­во­пре­кло­нен­ную молит­ву и завер­ша­ет ее возгласом.

Возглас: Твóе бо есть, éже ми́ловати и спасáти ны, Бóже наш, и Тебé слáву воз­сы­лáем, Отцу́ и Сыну́ и Святó­му Ду́ху, ны́не и при́сно и во вéки векóв.

Хор: Аминь.

Диакон: Прему́дрость.

Хор: Благо­сло­ви́.

Иерей: Сый бла­го­сло­вéн Хри­стóс Бог наш, все­гдá, ныне и прис­но и во веки веков.

Хор: Аминь. Утвер­ди́, Бóже, святу́ю пра­во слáв­ную вéру, пра­во­слáв­ных хри­стиáн во век вéка.

Иерей: Пресвятáя Богорó­ди­це, спа­си́ нас.

Хор: Чест­нéй­шую Херуви́м и слáв­ней­шую без срав­нé­ния Серафи́м, без ист­лé­ния Бóга Слó­ва рóжд­шую, су́щую Богорó­ди­цу Тя величáем.

Иерей: Слава Тебе, Хри­сте Бóже, упо­вá­ние наше, сла­ва Тебе.

Хор: Сла­ва, и ныне: Гос­по­ди, поми­луй (Три­жды). Бла­го­сло­ви.

Иерей про­из­но­сит отпуст, в воскресенье:

Воскресы́й из мéрт­вых, Хри­стóс Истин­ный Бог наш, моли́твами Пречи́стыя Своéя Мáте­ре, святы́х слáв­ных и все­хвáль­ных апóстол, святá­го (поми­на­ют­ся свя­той, во имя кото­ро­го освя­щен храм и свя­той, память кото­ро­го празд­ну­ет­ся в этот день), святы́х прáвед­ных Бого­отéц Иоаки́ма и Анны и всех святы́х, поми́лует и спасéт нас, я́ко Благ и Человеколю́бец.

Мно­го­ле­тие

Хор: Вели́каго Господи́на и Отцá нáше­го Кирил­ла, Святéй­ша­го Пат­риáр­ха Москóв­ска­го и всéя Руси́, и господи́на нáше­го прео­свя­щéн­ней­ша­го (имя), митрополи́та (или: архи­епи­ско­па, или: епи­ско­па) (его епар­хи­аль­ный титул), брáтию святá­го хрá­ма сегó и вся пра­во­слáв­ныя хри­стиá­ны, Гóс­по­ди, сохра­ни́ их на мнó­гая лéта.

Опубликовано

Вечерня

Диакон[1]: Востá­ни­те!

Хор: Госпо­ди, благослови́!

Иерей: Слáва Святéй, и Единосу́щней, и Животворя́щей, и Нераздéль­ней Трóи­це все­гда, ны́не и при́сно и во вéки векóв.

Хор: Аминь.

Священ­но­слу­жи­те­ли в алтаре:

Прииди́те, поклони́мся Царéви наше­му Богу.

Прииди́те, поклони́мся и при­па­дéм[2] Хри­сту, Царéви наше­му Богу.

Прииди́те, поклони́мся и при­па­дем Само­му́ Хри­сту, Царе­ви и Богу нашему.

Прииди́те, поклони́мся и при­па­дéм Ему́.

Пса­лом 103, пред­на­чи­на­тель­ный[3]

Благо­сло­ви́, душé моя, Гос­по­да. [Бла­го­словéн еси́, Гос­по­ди.] Гóс­по­ди Боже мой, возвели́чился еси́ зелó[4] [Бла­го­сло­вен еси́, Гос­по­ди], во испо­вé­да­ние[5] и в велелé­по­ту[6] облéк­ся еси́. Одéяй­ся свéтом яко[7] ри́зою[8], про­сти­рáяй небо яко кожу. Покры­вáяй водá­ми превы́спренняя[9] Своя, пола­гáяй óбла­ки на вос­хож­дé­ние Свое, ходя́й на кри­лу́ вéтре­ню[10]. Творя́й[11] Анге­лы Своя ду́хи, и слу­ги́ Своя пла­мень огнен­ный. Осно­вáяй зем­лю на твéр­ди éя, не преклони́тся[12] в век века. Бéзд­на, я́ко ри́за, одéя­ние éя, на горáх стá­нут[13] вóды. [Ди́вна делá Твóя, Гóспо­ди.] От запре­щé­ния[14] Тво­е­гó побé­г­нут, от глá­са грó­ма Тво­е­го убóят­ся. Восхó­дят гóры и низхó­дят поля́ в место, éже осно­вáл[15] еси́ им. Предéл положи́л еси́, его­же не прéй­дут, нижé обратя́тся покры́ти зéм­лю. Посы­лáяй истóч­ни­ки в дéбрех[16], посредé гор прóйдут вóды. Напáя­ют вся звéри сéль­ныя[17], ждут онá­гри[18] в жáж­ду свою. На ты́х[19] пти­цы небéс­ныя при­ви­тá­ют[20], от сре­ды́ кáме­ния дадя́т глас[21]. Напáя­яй гóры от превы́спренних[22] Свои́х; от плодá дел Твóих насы́тится зем­ля́. Про­зябáяй[23] тра­ву́ ско­тóм, и злак[24] на служ­бу чело­вéком, изве­сти́[25] хлеб от зем­ли. И вино весели́т серд­це чело­вéка, умá­сти­ти лицé елéем[26], и хлеб серд­це чело­ве­ка укрепи́т. Насы́тятся древá поль­скáя[27], кéд­ри ливáн­стии[28], и́хже еси́ насади́л. Тáмо пти­цы вогнездя́тся[29], ероди́ево жили́ще[30] предводи́тельствует[31] и́ми. Горы высóкия елé­нем[32], камень при­бе­жи­ще зáя­цем. Сотвори́л есть луну во вре­менá[33], солн­це познá зáпад свой. Положи́л еси́ тьму, и бысть нощь, в нéй­же прой­дут вси звéрие дуб­рáв­нии[34], ски́мни[35] рыкá­ю­щии восхи́тити[36] и взыс­кáти от Бога пищу себе. Возси́я солн­це, и собрá­ша­ся, и в лóжах сво­их ля́гут. Изы́дет чело­вéк на дéло свóе, и на дéла­ние свóе до вéче­ра. Яко возвели́чишася делá Твоя Гос­по­ди, вся прему́дростию сотвори́л еси́: испóл­ни­ся зем­ля твáри Твоéя. Си́е море вели́кое и про­стрáн­ное, тáмо гáди[37], ихже несть числá, живóт­ная мáлая с вели́кими. Тáмо кораб­ли́ преплá­ва­ют, змий[38] сей, егó­же создáл еси́ ругáти­ся[39] ему́. Вся к Тебе чáют[40], дáти пи́щу им во блá­го врé­мя. Дáв­шу Тебé им, соберу́т; отвéрз­шу Тебé ру́ку, вся́ческая испóл­нят­ся блá­го­сти. Отврá­щ­шу же Тебé лицé, возмяту́тся[41]; оты́меши дух[42] их, и исчéз­нут, и в персть свою[43] возвратя́тся. Пóсле­ши Духа Тво­е­го, и сози́ждутся, и обнови́ши лицé зем­ли́. Бу́ди слá­ва Гос­пóд­ня во вéки: возвесели́тся Гос­подь о дéлех Сво­их. При­зи­рáяй[44] на зéм­лю, и творя́й ю́[45] трясти́ся[46], при­ка­сáяй­ся горáм, и дымя́тся. Вос­пóю Гóс­по­де­ви в живо­тé[47] мóем, пою Богу мое­му, дóн­де­же есмь[48]. Да услади́тся ему бесé­да моя, аз[49] же возвеселю́ся о Гóс­по­де. Да исчéз­нут греш­ни­цы от зем­ли, и без­за­кон­ни­цы, я́коже не бы́ти им. Бла­го­сло­ви́, душе моя, Гос­по­да. [Сла­ва Ти, Гос­по­ди, сотвори́вшему вся.]

Слава Отцу и Сыну и Свя­то­му Духу, и ныне и прис­но и во веки веков. Аминь[50].

Алли­лу­иа, алли­лу­иа, алли­лу­иа, сла­ва Тебе, Боже. (Три­жды)

Священ­ник тихо чита­ет молит­вы све­тиль­нич­ные на все­днев­ной вечерне пред цар­ски­ми вра­та­ми, а на все­нощ­ной — в алтаре.

Екте­ния великая

Диакон: Ми́ром[51] Гос­по­ду помóлимся.

Хор: Госпо­ди, поми­луй. (На каж­дое прошение)

Диакон: О свы́шнем[52] ми́ре и спасé­нии душ наших Гос­по­ду помóлимся.

О ми́ре все­го мира, бла­го­стóя­нии святы́х Бóжи­их Церквéй и соединé­нии всех Гос­по­ду помóлимся.

О святéм хра­ме сем и с вéрою, бла­го­го­вé­ни­ем и стрá­хом Бóжи­им входя́щих вóнь[53] Гос­по­ду помóлимся.

О Вели́ком Господи́не и Отцé нашем Святéй­шем Патри́архе Кирил­ле, и о господи́не нáшем прео­свя­щéн­ней­шем митрополи́те (или: архиепи́скопе, или: епи́скопе) (имя), чест­нéм пресви́терстве[54], во Хри­стé ди́аконстве, о всем при́чте[55] и лю́дех Гос­по­ду помóлимся.

О богохрани́мей странé нáшей, властéх и вóин­стве éя Гос­по­ду помóлимся.

О грá­де сем[56] (или: о вéси[57] сей; если в мона­сты­рé, то: о святéй оби́тели сей), вся́ком грá­де, странé и вéрою живу́щих в них Гос­по­ду помóлимся.

О бла­го­рас­творé­нии возду́хов[58], о изоби́лии плодóв земны́х и врé­ме­нех ми́рных Гос­по­ду помóлимся.

О плá­ва­ю­щих, путе­шéству­ю­щих, неду́гующих[59], стрáж­ду­щих, пленéн­ных и о спасé­нии их Гос­по­ду помóлимся.

О избáви­ти­ся нам от вся́кия скор­би, гне­ва и ну́жды Гос­по­ду помóлимся.

Засту­пи́, спа­си́, поми́луй и сохра­ни́ нас, Боже, Тво­ею благодáтию.

Пресвяту́ю, Пречи́стую, Пре­бла­го­сло­вéн­ную, слáв­ную Влады́чицу нашу Богорó­ди­цу и Прис­нодéву Мари́ю со всé­ми святы́ми помяну́вше, сáми себé, и друг дру́га, и весь живóт[60] наш Хри­сту Богу предади́м.

Хор: Тебе, Гос­по­ди.

Иерей: Яко подобáет Тебé вся́кая слá­ва, честь и поклонé­ние, Отцу́ и Сы́ну и Святó­му Ду́ху, ны́не и при́сно и во вéки векóв.

Хор: Ами́нь.

Бла­жен муж

Пер­вый анти­фон 1‑й кафисмы

Хор: Блажéн[61] муж, и́же не и́де[62] на совéт нечести́вых. Алли­лу­иа, алли­лу­иа, аллилуиа.

Яко весть[63] Гос­подь путь прáвед­ных, и путь нечести́вых поги́бнет. Алли­лу­иа, алли­лу­иа, аллилуиа.

Рабóтай­те Гóс­по­де­ви со стрá­хом[64] и рáдуй­те­ся Ему́ с трé­пе­том. Алли­лу­иа, алли­лу­иа, аллилуиа.

Блажé­ни вси надé­ю­щи­и­ся Нань[65]. Алли­лу­иа, алли­лу­иа, аллилуиа.

Воскрес­ни́, Гос­по­ди, спа­си мя, Боже мой. Алли­лу­иа, алли­лу­иа, аллилуиа.

Госпóдне есть спасé­ние, и на лю́дех Тво­их бла­го­сло­вé­ние Твóе. Алли­лу­иа, алли­лу­иа, аллилуиа.

Слáва Отцу́ и Сы́ну и Святó­му Ду́ху. Алли­лу­иа, алли­лу­иа, аллилуиа.

И ны́не и при́сно и во веки векóв. Ами́нь. Алли­лу­иа, алли­лу­иа, аллилуиа.

Алли­лу­иа, алли­лу­иа, алли­лу­иа, сла­ва Тебе, Боже. (Три­жды)

Екте­ния малая

Диакон: Пáки и пáки[66] ми́ром Гос­по­ду помóлимся.

Хор: Госпо­ди, помилуй.

Засту­пи́[67], спа­си́, поми́луй и сохра­ни́ нас, Боже, Твóею благодáтию.

Хор: Госпо­ди, помилуй.

Диакон: Пресвяту́ю, Пречи́стую, Пре­бла­го­сло­вéн­ную, Слáв­ную Влады́чицу нáшу Богорó­ди­цу и Прис­нодéву Мари́ю со всé­ми святы́ми помяну́вше, сáми себé и друг дру́га и весь живóт наш Хри­сту Богу предади́м.

Хор: Тебе, Гос­по­ди.

Иерей: Яко Твóя дер­жá­ва, и Твóе есть Цар­ство, и сила, и сла­ва, Отца и Сына и Свя­та­го Духа, ны́не и при́сно и во вéки векóв.

Хор: Аминь.

Гос­по­ди, воз­звáх (псал­мы 140, 141)

1‑й лик:[68] Госпо­ди, воз­звáх[69] к Тебе, услы́ши мя; услы́ши мя, Гос­по­ди. Гос­по­ди, воз­звáх к Тебе, услы́ши мя; вон­ми́ глá­су молé­ния мое­гó, вне­гдá[70] воз­звáти ми к Тебé. Услы́ши мя, Господи.

2‑й лик: Да испрáвит­ся моли́тва мóя, я́ко кади́ло пред Тобóю, воздéя­ние руку́ моéю[71], жéрт­ва вечéр­няя. Услы́ши мя́, Гóсподи.

Поло­жи́, Гос­по­ди, хране́ние усто́м моим, и дверь огражде́ния о устна́х моих. Не укло­ни́ се́рдце мое в сло­ве­са́ лука́вствия, непщева́ти вины́ о гресе́х, с челове́ки де́лающими беззако́ние, и не сочту́ся со избра́нными их. Нака́жет мя пра́ведник ми́лостию и обличи́т мя, еле́й же гре́шнаго да не нама́стит гла­вы́ моея́, яко еще́ и моли́тва моя во благоволе́ниих их. Поже́рты бы́ша при ка́мени судии́ их: услы́шатся глаго́ли мои, я́ко возмого́ша. Яко то́лща зем­ли́ просе́деся на зем­ли́, расточи́шася ко́сти их при а́де. Яко к Тебе, Гос­по­ди, Гос­по­ди, о́чи мои: на Тя упова́х, не оты­ми́ ду́шу мою. Сохра­ни́ мя от се́ти, юже соста́виша ми, и от собла́зн де́лающих беззако́ние. Паду́т во мре́жу свою́ гре́шницы: еди́н есмь аз, до́ндеже прейду́.

Гла́сом моим ко Гос­по­ду воззва́х, гла́сом моим ко Гос­по­ду помоли́хся. Про­лию́ пред Ним моле́ние мое, печа́ль мою пред Ним воз­ве­щу́. Вне­гда́ исчеза́ти от мене́ ду́ху мое­му́: и Ты позна́л еси́ сте­зи́ моя: на пути́ сем, по нему́же хожда́х, скры́ша сеть мне. Смотря́х одесну́ю и возгля́дах, и не бе зна́яй мене́: поги́бе бе́гство от мене́, и несть взыска́яй ду́шу мою́. Воззва́х к Тебе, Гос­по­ди, рех: Ты еси́ упова́ние мое́, часть моя еси́ на зем­ли́ живы́х. Вон­ми́ моле́нию мое­му́, я́ко смири́хся зело́, изба́ви мя от гоня́щих мя, я́ко укрепи́шася па́че мене́. Изве­ди́ из темни́цы ду́шу мою, испове́датися и́мени Тво­е­му. Мене́ ждут пра́ведницы, до́ндеже возда́си мне.

На 10 сти­хов (сти­хир)[72]: Изве­ди́ из темни́цы ду́шу мóю[73], испо­вé­да­ти­ся и́мени Твоему́.

Менé жду́т прáвед­ни­цы, дóн­де­же воздá­си мне[74].

На 8: Из глу­би­ны́ воз­звáх к Тебé, Гос­по­ди; Гос­по­ди, услы́ши глас мой.

Да бу́дут у́ши Твóи внéм­лю­ще[75] глá­су молé­ния мое­гó[76].

На 6: Аще без­за­кó­ния нáзри­ши[77], Гос­по­ди, Гос­по­ди, кто постóит? Яко у Тебé очи­щé­ние есть.

Имене рáди Тво­е­гó потер­пéх[78] Тя, Гос­по­ди, потер­пé душа моя в слóво Твое, упо­вá[79] душá мóя на Гóспода.

На 4: От стрá­жи у́тренния до нóщи[80], от стрá­жи у́тренния да упо­вáет[81] Изрáиль[82] на Гóспода.

Яко у Гос­по­да милость, и мно­гое у Него избав­лé­ние, и Той избáвит Изрáи­ля от всех без­за­кó­ний егó.

Хвали́те Гос­по­да, вси язы́цы[83], похвали́те Егó, вси лю́дие.

Яко утверди́ся ми́лость Егó на нас, и и́стина Гос­пóд­ня пре­бы­вáет во век[84].

Слава Отцу и Сыну и Свя­то­му Духу.

И ныне и прис­но и во веки веков. Аминь.

Дог­ма­тик или сти­хи­ра[85]

Вход с кадилом

Диакон: Благо­сло­ви́, влады́ко, святы́й вход.

Иерей (бла­го­слов­ляя): Благо­сло­вéн вход святы́х Твóих, все­гдá, ны́не и при́сно и во вéки векóв.

Диакон: Прему́дрость, прó­сти[86].

Све­те тихий

Хор: Свéте ти́хий святы́я слá­вы Без­смéрт­на­го Отцá Небéс­на­го, Святá­го Бла­жéн­на­го, Иису́се Хри­стé! При­шéд­ше на зáпад сóлн­ца[87], ви́девше[88] свет вечéр­ний, пóем Отцá Сы́на и Святá­го Ду́ха Бóга. Достóин еси́ во вся вре­менá пет быти гла­сы пре­подóб­ны­ми[89], Сыне Божий, живóт дáяй[90]; тéм­же[91] мир Тя слáвит[92].

Диакон: Вóнмем[93].

Иерей: Мир всем.

Диакон: Премуд­рость. Про­ки­мен, глас… [94]

Проким­ны днев­ные (вечер­ни) со стихами:

В суб­бо­ту, глас 5:

Господь воцари́ся[95], в лéпо­ту облечé­ся[96].

Хор повто­ря­ет: Гос­подь воцари́ся, в лéпо­ту облечéся.

Стих 1: Облечé­ся Гос­подь в си́лу и пре­пóя­са­ся[97].

Хор: Госпóдь воцари́ся, в лéпо­ту облечé­ся. (На каж­дый стих)

Стих 2: Ибо утвер­ди́ все­лéн­ную, я́же не подви́жится.

Стих 3: Дóму Тво­е­му́ подобáет святы́ня, Гóс­по­ди, в дол­го­ту́ дний[98].

Диакон: Господь воцари́ся.

Хор: В лéпо­ту облечéся.

В вос­кре­се­нье, глас 8:

Се ны́не благослови́те Гóс­по­да, вси раби́ Госпóдни.

Стих: Стóя­щии во хрá­ме Гос­пóд­ни, во двóрех дóму Бóга нáшего.

В поне­дель­ник, глас 4:

Господь услы́шит мя, вне­гдá воз­звáти ми[99] к Нему́.

Стих: Внегдá при­звáти ми, услы́ша мя Бог прáв­ды моéя.

Во втор­ник, глас 1:

Ми́лость Твóя, Гос­по­ди, поженéт мя[100] вся дни живо­тá моегó.

Стих: Господь пасéт мя[101], и ничтó­же мя лиши́т[102]; на мéсте злáчне[103], тáмо[104] все­ли́[105] мя.

В сре­ду, глас 5:

Бóже, во и́мя Твóе спа­си́ мя и в си́ле Твоéй суди́ ми.

Стих: Боже, услы́ши моли́тву мою́, вну­ши́ гла­гó­лы уст мóих.

В чет­верг, глас 6:

Пóмощь моя от Гос­по­да, сотвóр­ша­го[106] нéбо и зéмлю.

Стих: Возведóх[107] очи мои в гóры, отню́дуже[108] при́идет пóмощь мóя.

В пят­ни­цу, глас 7:

Боже, Засту́пник мой еси́ Ты, и ми́лость Твóя предвари́т мя[109].

Стих: Изми́[110] мя от враг мóих, Бóже, и от востá­ю­щих на мя избáви мя.

Чтец чита­ет паре­мии, если есть.

Екте­ния сугубая

Диакон: Рцем вси[111] от всея́ души́, и от все­гó помыш­лé­ния нáше­го рцем.

Хор: Госпо­ди, помилуй.

Диакон: Госпо­ди Вседержи́телю, Боже отец нáших, мóлим Ти ся, услы́ши и поми́луй.

Хор: Госпо­ди, помилуй.

Диакон: Поми́луй нас, Боже, по вели́цей ми́лости Твóей, мóлим Ти ся, услы́ши и поми́луй.

Хор: Госпо­ди, поми­луй; Гос­по­ди, поми­луй; Гос­по­ди, поми­луй (на каж­дое после­ду­ю­щее про­ше­ние).

Диакон: Ещé мóлим­ся о Вели́ком Господи́не и Отцé нáшем Святéй­шем Пат­риáр­хе Кирил­ле, и о господи́не нáшем прео­свя­щéн­ней­шем митрополи́те (или: архиепи́скопе, или: епи́скопе) (имя), и всей во Хри­стé брáтии нáшей.

Ещé мóлим­ся о богохрани́мей странé нáшей, властéх и вóин­стве éя, да ти́хое и без­мóлв­ное жити́е поживéм во вся́ком бла­гочé­стии и чистотé.

Ещé мóлим­ся о бла­жéн­ных и прис­но­пá­мят­ных создá­те­лех святá­го хрá­ма сегó (если в мона­сты­ре: святы́я оби́тели сéя), и о всех преждепочи́вших отцéх и брáти­ях, зде[112] лежá­щих и повсю́ду, правослáвных.

Ещé мóлим­ся о ми́лости, жи́зни, ми́ре, здрáвии, спасé­нии, посе­щé­нии и остав­лé­нии грехóв рабóв Бóжи­их, брáтии святá­го хрá­ма сегó (если в мона­сты­ре: святы́я оби́тели сея́).

Ещé мóлим­ся о плодонося́щих и доб­родé­ю­щих во святéм и все­чест­нéм хрá­ме сем, труж­дá­ю­щих­ся, пóю­щих и пред­стóя­щих лю́дех, ожидá­ю­щих от Тебé вели́кия и богáтыя ми́лости.

Иерей: Яко Ми́лостив и Человеколю́бец Бог еси́, и Тебé слáву воз­сы­лáем, Отцу́ и Сы́ну и Святó­му Ду́ху, ны́не и при́сно и во вéки векóв.

Хор: Аминь.

Спо­до­би, Господи

Сподó­би, Гóс­по­ди, в вéчер сей без грехá сохрани́тися нам. Бла­го­сло­вéн еси́, Гос­по­ди, Боже отéц нáших, и хвáль­но и про­слáв­ле­но и́мя Твóе во вéки. Аминь.

Бу́ди, Гос­по­ди, милость Твоя на нас, я́коже[113] упо­вá­хом на Тя. Бла­го­сло­вéн еси́, Гос­по­ди, научи́ мя оправ­дá­ни­ем Твои́м. Бла­го­сло­вéн еси́, Влады́ко, вра­зу­ми́ мя оправ­дá­ни­ем Твои́м. Бла­го­сло­вéн еси́, Святы́й, про­све­ти́ мя оправ­дá­нии Твои́ми.

Госпо­ди, ми́лость Твоя во век, дел руку́ Твоéю не прéзри.[114] Тебе подобáет хвалá, Тебе подобáет пéние, Тебе сла­ва подобáет, Отцу́ и Сы́ну и Святó­му Ду́ху, ны́не и при́сно и во вéки векóв, ами́нь.

Екте­ния просительная

Диакон: Испóл­ним вечéр­нюю моли́тву нáшу Гóсподеви.

Хор: Госпо­ди, помилуй.

Диакон: Засту­пи́, спа­си́, поми́луй и сохра­ни́ нас, Боже, Твóею благодáтию.

Вéче­ра все­гó совер­шéн­на, свя́та, ми́рна и без­грéш­на у Гóс­по­да прóсим.

Хор: Подáй, Гос­по­ди (на каж­дое про­ше­ние).

Диакон: Анге­ла ми́рна, вéр­на настáв­ни­ка, храни́теля душ и телéс нáших, у Гóс­по­да прóсим.

Прощé­ния и остав­лé­ния грехóв и пре­гре­шé­ний нáших у Гос­по­да прóсим.

Дóбрых и полéз­ных душáм нáшим и ми́ра ми́рови у Гóс­по­да прóсим.

Прóчее врé­мя живо­тá нáше­го в ми́ре и покáя­нии скон­чáти у Гóс­по­да прóсим.

Христи́анския кончи́ны живо­тá нáше­го, без­болéз­не­ны, непосты́дны, ми́рны и дóбра­го отвéта на Стрáш­нем Суди́щи Хри­стóве прóсим.

Пресвяту́ю, Пречи́стую, Пре­бла­го­сло­вéн­ную, слáв­ную Влады́чицу нáшу Богорó­ди­цу и Прис­нодéву Мари́ю со всé­ми святы́ми помяну́вше, сами себé и друг дру́га и весь живóт наш Хри­сту́ Бóгу предади́м.

Хор: Тебе, Гос­по­ди.

Иерей: Яко Благ и Человеколю́бец Бог еси́, и Тебé слáву воз­сы­лáем, Отцу́ и Сы́ну и Святó­му Ду́ху, ны́не и при́сно и во вéки векóв.

Хор: Аминь.

Иерей: Мир всем.

Хор: И ду́хови твоему́.

Диакон: Главы́ нáша Гóс­по­де­ви приклóним.

Хор: Тебе, Гос­по­ди.

Священ­ник во вре­мя екте­нии тихо чита­ет гла­во­пре­кло­нен­ную молит­ву и завер­ша­ет ее возгласом.

Возглас: Бу́ди дер­жá­ва Цáр­ствия Тво­е­го бла­го­сло­вé­на и пре­п­ро­слáв­ле­на, Отцá и Сы́на и Святá­го Ду́ха, ны́не и при́сно и во вéки векóв.

Хор: Аминь.

Если поло­же­на лития, исхож­де­ние в притвор.

Хор поет сти­хи­ру хра­ма или празд­ни­ка.

Слава: свя­та­го.

И ныне: Бого­ро­ди­чен.

После­до­ва­ние литии

Диакон: Спаси́, Боже, лю́ди Твоя и бла­го­сло­ви́ достоя́ние Твое, посе­ти́ мир Твой ми́лостию и щед­рóта­ми, возвы́си рог[115] хри­стиáн пра­во­слáв­ных и низ­посли́[116] на ны ми́лости Твóя богáтыя; моли́твами Всепречи́стыя Влады́чицы нáшея Богорó­ди­цы и Прис­нодé­вы Мари́и; си́лою Чест­нá­го и Животворя́щаго Кре­стá; пред­стá­тель­ст­вы[117] честны́х Небéс­ных Сил без­плóт­ных; чест­нá­го слáв­на­го Прорóка, Пред­тé­чи[118] и Крести́теля Иóан­на; святы́х слáв­ных и все­хвáль­ных[119] апóстол; и́же во святы́х отéц наших и все­лéн­ских вели́ких учи́телей и святи́телей Васи́лия Вели́каго, Гри­гóрия Бого­слó­ва и Иóан­на Златоу́стаго; и́же во святы́х отцá нáше­го Нико­лая, архиепи́скопа Мирлики́йскаго, Чудо­твóр­ца; святы́х рав­но­ап­óстоль­ных Мефó­дия и Кири́лла, учи́телей Сло­вéн­ских, святы́х рав­но­ап­óстоль­ных вели́каго кня́зя Влади́мира и вели́кия княги́ни Оль­ги, и́же во святы́х отец наших всея́ Росси́и чудо­твóр­цев Михáи­ла, Пет­рá, Алекси́я, Ио́ны, Фили́ппа и Ермо­гé­на; святы́х слáв­ных и доб­ро­по­бéд­ных му́чеников, пре­подóб­ных и богонóс­ных отéц нáших, святы́х и прáвед­ных Бого­отéц[120] Иоаки́ма и Анны (и свя­то­го, кото­ро­му посвя­щен храм и свя­то­го, память кото­ро­го празд­ну­ет­ся в этот день) и всех святы́х; мóлим Тя, Многоми́лостиве Гóс­по­ди, услы́ши нас, греш­ных, моля́щихся Тебе, и поми́луй нас.

Хор: Госпо­ди, поми­луй. (40 раз)

Диакон: Ещé мóлим­ся о Вели́ком Господи́не и Отцé нашем Святéй­шем Патри́архе Кирил­ле и о господи́не нашем прео­свя­щéн­ней­шем мит­ро­пó­ли­те (или: архиепи́скопе, или: епи́скопе) (имя) (если в мона­сты­ре: и о архимандри́те нáшем, или: игу́мене нáшем (имя)) и о всем во Хри­стé брáт­стве нáшем и о вся́кой души́ христи́анстей, скорбя́щей же и озлóб­лен­ней[121], ми́лости Бóжия и пóмо­щи трé­бу­ю­щей; о покро­вé­нии[122] грá­да сегó и живу́щих в нем (или: в ней; или: святы́я оби́тели сéя и живу́щих в ней); о ми́ре и состóя­нии[123] все­гó ми́ра; о бла­го­стóя­нии[124] святы́х Бóжи­их Церквéй; о спасé­нии и пóмо­щи со тщá­ни­ем[125] и стрá­хом Бóжи­им[126] труж­дá­ю­щих­ся и слу­жá­щих отéц и брáтий нáших; о остáв­ль­ших­ся[127] и во отшéствии су́щих[128]; о исцелé­нии в нéмо­щех лежá­щих[129], о успé­нии[130], ослá­бе[131], бла­жéн­ней пáмя­ти и остав­лé­нии грехóв всех преж­де отшéд­ших[132] отéц и брáтий нáших, зде[133] лежá­щих[134] и повсю́ду, пра­во­слáв­ных; о избав­лé­нии[135] пленéн­ных, и о брáти­ях нáших во слу́жбах су́щих, и о всех слу­жá­щих и служи́вших во святéм хрá­ме сем (если в мона­сты­ре: во святéй оби́тели сей) рцем:

Хор: Госпо­ди, поми­луй. (50 раз)

Диакон: Ещé мóлим­ся, о éже сохрани́тися грá­ду сему́ (или: вéси сей), и святó­му хрá­му сему́ (если в мона­сты­ре: святéй оби́тели сей), и вся́кому грá­ду и странé от глá­да[136], губи́тельства[137], тру́са[138], потó­па, огня́, мечá, нашéствия ино­пле­мéн­ни­ков и меж­до­усóб­ныя брá­ни[139]; о еже ми́лостиву и бла­го­увéт­ли­ву[140] бы́ти бла­гó­му и человеколюби́вому Бóгу нáше­му, отврати́ти вся́кий гнев, на ны дви́жимый, и избáви­ти ны от нале­жá­ща­го[141] и прáвед­на­го Сво­е­гó пре­щé­ния[142], и поми́ловати ны.

Хор: Госпо­ди, поми­луй. (Три­жды)

Диакон: Ещé мóлим­ся, и о éже услы́шати Гос­по­ду Богу глас молé­ния нас, греш­ных, и поми́ловати нас.

Хор: Госпо­ди, поми­луй. (Три­жды)

Иерей: Услы́ши ны, Боже, Спа­си­те­лю наш, упо­вá­ние всех кон­цéв зем­ли́ и су́щих[143] в мóри далé­че; и ми́лостив, ми́лостив бу́ди, Влады́ко, о гресéх наших и поми́луй ны.

Ми́лостив бо и Человеколю́бец Бог еси́, и Тебе сла­ву воз­сы­лáем, Отцу и Сыну и Свя­то­му Духу, ныне и прис­но и во веки веков.

Хор: Аминь.

Иерей: Мир всем.

Хор: И ду́хови твоему.

Диакон: Главы́ нáша Гóс­по­де­ви приклóним.

Хор: Тебе, Гос­по­ди.

Иерей: Влады́ко Многоми́лостиве, Гос­по­ди Иису­се Хри­сте Боже наш, молит­ва­ми Всепречи́стыя Влады́чицы нáшея Богорó­ди­цы и Прис­нодé­вы Мари́и; си́лою чест­нá­го и животворя́щаго Кре­стá; пред­стá­тель­ст­вы честны́х Небéс­ных Сил без­плóт­ных; чест­нá­го слáв­на­го Прорóка, Пред­тé­чи и Крести́теля Иоáн­на; святы́х слáв­ных и все хвáль­ных апóстол; святы́х слáв­ных и доб­ро­по­бéд­ных му́чеников, пре­подóб­ных и богонóс­ных отéц нáших, и́же во святы́х отéц наших и все­лéн­ских вели­ких учи́телей и святи́телей Васи́лия Вели́каго, Гри­гóрия Бого­слó­ва и Иóан­на Златоу́стаго; и́же во святы́х отцá наше­го Нико­лая, архиепи́скопа Мирлики́йскаго, Чудо­твóр­ца; святы́х рав­но­ап­óстоль­ных Мефó­дия и Кири́лла, учи́телей Сло­вéн­ских, святы́х рав­но­ап­óстоль­ных вели́каго кня́зя Влади́мира и вели́кия княги́ни Оль­ги, и́же во святы́х отец наших всéя Росси́и чудо­твóр­цев, Михáи­ла, Пет­рá, Алекси́я, Ио́ны, Фили́ппа, Ермо­гé­на, Фила­ре­та, Инно­кен­тия и Тихо­на; и святы́х прáвед­ных Бого­отéц Иоаки́ма и Анны (и свя­то­го, кото­ро­му посвя­щен храм и свя­то­го, память кото­ро­го празд­ну­ет­ся в этот день), и всех святы́х Тво­их благопри́ятну сотво­ри́ моли́тву нáшу, дáруй нам остав­лé­ние пре­гре­шé­ний нáших, покры́й нас крóвом кри­лу́ Твóею[144], отже­ни́[145] от нас вся́каго вра­гá и супо­стáта[146]; уми­ри́[147] нашу жизнь, Гос­по­ди; поми­луй нас и мир Твой, и спа­си души наша, я́ко Благ и Человеколю́бец.

Хор: Аминь.

Сти­хи­ры на стиховне

Вос­крес­ные сти­хи (запе­вы) к сти­хи­рам на сти­ховне[148]:

Стих 1: Господь воцари́ся, в лéпо­ту облечéся.

Стих 2: Ибо утвер­ди́ все­лéн­ную, я́же не подви́жится.

Стих 3: Дóму Тво­е­му́ подобáет святы́ня, Гос­по­ди, в дол­го­ту́ дний.

Слава, и ныне: Бого­ро­ди­чен.

Молит­ва пра­вед­но­го Симео­на Богоприимца

Ны́не отпу­щáе­ши[149] рабá Тво­е­гó, Влады́ко, по гла­гó­лу[150] Тво­е­му́, с ми́ром: я́ко ви́деста óчи мóи спасé­ние Твóе, éже еси́ уго­тó­вал пред лицéм всех людéй, свет во откро­вé­ние язы́ков[151], и слáву людéй Твои́х Изрáи­ля[152].

Чтец: Святы́й Бóже, Святы́й Крéп­кий, Святы́й Без­смéрт­ный, поми́луй нáс. (Три­жды)

Слáва Отцу́ и Сы́ну и Святó­му Ду́ху, и ны́не и при́сно и во вéки векóв. Ами́нь.

Пресвятáя Трóи­це, поми́луй нáс; Гóс­по­ди, очи́сти гре­хи́ нáша; Влады́ко, про­сти́ без­за­кó­ния нáша; Святы́й, посе­ти́ и исце­ли́ нéмо­щи нáша, и́мене Тво­е­гó рáди.

Госпо­ди, поми­луй. (Три­жды)

Слáва Отцу́ и Сы́ну и Святó­му Ду́ху, и ны́не и при́сно и во вéки векóв. Ами́нь.

Отче наш, Иже[153] еси́ на небесéх! Да святи́тся и́мя Твóе, да при́идет Цáр­ствие Твóе, да бу́дет вóля Твóя, я́ко на небе­си́ и на зем­ли́. Хлеб наш насу́щный[154] даждь нам днесь[155]; и остáви[156] нам дóл­ги[157] нáша, я́коже и мы оставля́ем долж­ни­кóм нáшим; и не вве­ди́ нас во иску­шé­ние[158], но избáви нас от лукá­ва­го[159].

Иерей: Яко Твóе есть Цáр­ство и си́ла и слá­ва, Отцá и Сы́на и Святá­го Ду́ха, ны́не и при́сно и во вéки векóв.

Хор: Аминь.

Тропарь празд­ни­ка, трижды.

Если бде­ние под воскресенье:

Богорó­ди­це Дéво, рáдуй­ся, Бла­годáт­ная Мари́е, Гос­пóдь с Тобóю: бла­го­сло­вé­на Ты в женáх, и бла­го­сло­вéн Плод чрé­ва Тво­е­гó, я́ко Спá­са[160] роди­лá еси́ душ нáших. (Три­жды)

Если в вос­кре­се­нье есть празд­ник свя­то­му, то:

Бого­ро­ди­це Дево… два­жды и тро­парь свя­то­му. [Если была лития, бла­го­слов­ля­ют­ся хлеб, вино и елей.

Молит­ва на бла­го­сло­ве­ние хлебов

Иерей: Госпо­ди Иису­се Хри­сте Боже наш, благослови́вый пять хлé­бов и пять тысящ насы́тивый, Сам бла­го­сло­ви́ и хлé­бы си́я, пшени́цу, винó и елéй; и умнó­жи си́я во грá­де сем (или: в вéси сей; или: во святéй оби́тели сей) и во всем ми́ре Твоéм; и вку­шá­ю­щия от них вéр­ныя освя­ти́. Яко Ты еси́ благословля́яй и освя­щáяй вся́ческая, Хри­стé Бóже наш, и Тебé слáву воз­сы­лáем, со Без­на­чáль­ным Твóим Отцéм и Всесвяты́м и Благи́м, и Животворя́щим Твóим Ду́хом, ны́не и при́сно и во вéки векóв.]

Хор: Аминь. Бу́ди[161] имя Гос­пóдне бла­го­сло­вé­но от ны́не и до вéка. (Три­жды)

Пса­лом 33

Благо­слов­лю́ Гóс­по­да на вся́кое врé­мя, вы́ну[162] хвалá Егó во устéх мóих. О Гóс­по­де похвá­лит­ся душá мóя, да услы́шат крóт­цыи и возвеселя́тся. Возвели́чите Гóс­по­да со мнóю, и воз­несéм[163] и́мя егó вку́пе[164]. Взыс­кáх[165] Гóс­по­да, и услы́ша мя, и от всех скор­бéй мóих избáви мя. Приступи́те к Нему́, и просвети́теся, и ли́ца вáша не постыдя́тся. Сей ни́щий воз­звá, и Гос­пóдь услы́ша и́, и от всех скор­бéй егó спасé и́. Ополчи́тся[166] Ангел Гос­пó­день óкрест[167] боя́щихся Егó, и избáвит их. Вкуси́те и ви́дите, я́ко благ Гос­пóдь: бла­жéн муж, и́же упо­вáет Нань[168]. Бóй­те­ся Гóс­по­да[169], вси святи́и Егó, я́ко несть лишé­ния бóя­щим­ся Егó. Богáтии обни­щá­ша и взал­кá­ша[170]: взыс­кá­ю­щии же Гóс­по­да[171] не лишáт­ся вся́каго блáга.

Иерей: Благо­сло­вé­ние Гос­пóдне на вас, Тогó бла­годáтию и человеколю́бием, все­гдá, ны́не и при́сно и во вéки векóв.

Хор: Аминь.

Опубликовано

Богослужения

Пра­во­слав­ная Цер­ковь все­гда при­да­ва­ла исклю­чи­тель­ное зна­че­ние бого­слу­же­нию как молит­вен­но­му вопло­ще­нию веро­учи­тель­ных истин. «Закон молит­вы есть закон веры» — на этом осно­во­по­ла­га­ю­щем прин­ци­пе постро­е­на жизнь Пра­во­сла­вия. Бого­слу­же­ние явля­ет­ся еже­днев­ной духов­ной шко­лой. По мыс­ли свя­ти­те­ля Игна­тия (Брян­ча­ни­но­ва), хри­сти­а­нин, регу­ляр­но посе­ща­ю­щий цер­ковь и вни­ма­тель­но вслу­ши­ва­ю­щий­ся в чте­ние и пение, может научить­ся все­му «необ­хо­ди­мо­му на попри­ще веры». Бого­слу­же­ние, кро­ме того, явля­ет­ся шко­лой молит­вы: оно захва­ты­ва­ет ум и серд­це чело­ве­ка и погру­жа­ет их в ту глу­би­ну, где про­ис­хо­дит встре­ча с Богом. Каж­дая цер­ков­ная служ­ба, каж­дое молит­вен­ное сло­во может стать для нас встре­чей и сопри­кос­но­ве­ни­ем с Живым Богом, если мы молим­ся вни­ма­тель­но и сосре­до­то­чен­но, если молит­ва церк­ви ста­но­вит­ся нашей лич­ной молит­вой. Неред­ко, одна­ко, сло­ва бого­слу­же­ния про­хо­дят мимо нас и мы при­сут­ству­ем в хра­ме толь­ко телом, а ум блуж­да­ет на сто­роне — в этом слу­чае ника­кой встре­чи не про­ис­хо­дит и мы лиша­ем­ся того пло­да, кото­рый при­но­сит уча­стие в цер­ков­ной службе.

Опубликовано

Внутреннее устройство храма

Пра­во­слав­ный храм делит­ся на три части: при­твор, соб­ствен­но храм (сред­няя часть) и алтарь.

В при­тво­ре рань­ше сто­я­ли те, кто гото­вил­ся к кре­ще­нию и каю­щи­е­ся, вре­мен­но отлу­чен­ные от При­ча­стия. При­тво­ры в мона­стыр­ских хра­мах часто исполь­зо­ва­лись так­же в каче­стве трапезных.

Сам храм пред­на­зна­чал­ся непо­сред­ствен­но для молит­вы вер­ных, то есть кре­щен­ных и не нахо­дя­щих­ся под епи­ти­мьей христиан.

Алтарь – место свя­щен­но­дей­ствий, важ­ней­шим из кото­рых явля­ет­ся Таин­ство Евхаристии.

Опубликовано

Утреннее молитвенное правило

[1] Востав от сна, преж­де вся­ко­го дру­го­го дела, стань бла­го­го­вей­но, пред­став­ляя себя пред Все­ви­дя­щим Богом, и, совер­шая крест­ное зна­ме­ние, произнеси:

Во и́мя Отца́, и Сы́на, и Свята́го Ду́ха, Ами́нь.

Затем немно­го подо­жди, пока все чув­ства твои не при­дут в тиши­ну и мыс­ли твои не оста­вят все зем­ное, и тогда про­из­но­си сле­ду­ю­щие молит­вы, без поспеш­но­сти и со вни­ма­ни­ем сердечным:

Молит­ва мыта­ря (Еван­ге­лие от Луки, гла­ва 18, стих 13)

Бо́же, ми́лостив бу́ди мне гре́шному. (Поклон)

Молит­ва предначинательная

Го́споди Иису́се Хри­сте́, Сы́не Бо́жий, молитв ра́ди Пречи́стыя Тво­ея́ Ма́тере и всех святы́х, поми́луй нас. Ами́нь.

Сла́ва Тебе́, Бо́же наш, сла́ва Тебе́.

Молит­ва Свя­то­му Духу

Царю́ Небе́сный, Уте́шителю, Ду́ше и́стины, И́же вез­де́ сый и вся исполня́яй, Сокро́вище благи́х и жи́зни Пода́телю, при­и­ди́ и всели́ся в ны, и очи́сти ны от вся́кия скве́рны, и спа­си́, Бла́же, ду́ши на́ша[2].

Три­свя­тое

Святы́й Бо́же, Святы́й Кре́пкий, Святы́й Безсме́ртный, поми́луй нас. (Чита­ет­ся три­жды, с крест­ным зна­ме­ни­ем и пояс­ным поклоном.)

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь[3].

Молит­ва ко Пре­свя­той Тро́ице

Пресвята́я Тро́ице, поми́луй нас; Го́споди, очи́сти гре­хи́ на́ша; Влады́ко, про­сти́ беззако́ния на́ша; Святы́й, посе­ти́ и исце­ли́ не́мощи на́ша, и́мене Твое́го ра́ди.

Го́споди, поми́луй. (Три­жды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Молит­ва Господня

О́тче наш, И́же еси́ на небесе́х! Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на небе­си́ и на зем­ли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не вве­ди́ нас во искуше́ние, но изба́ви нас от лука́ваго.

Тро­па­ри Троичные

Воста́вше от сна, припа́даем Ти, Бла́же, и а́нгельскую песнь вопие́м Ти, Си́льне: Свят, Свят, Свят еси́, Бо́же, Богоро́дицею поми́луй нас.

Сла́ва Отцу́ и Сы́ну и Свято́му Ду́ху.

От одра́ и сна воздви́гл мя еси́, Го́споди, ум мой про­све­ти́ и се́рдце, и устне́ мои́ отве́рзи, во е́же пе́ти Тя, Свята́я Тро́ице: Свят, Свят, Свят еси́, Бо́же, Богоро́дицею поми́луй нас.

И ны́не и при́сно и во ве́ки веко́в. Ами́нь.

Внеза́пно Судия́ прии́дет, и коего́ждо дея́ния обнажа́тся, но стра́хом зове́м[4] в полу́нощи: Свят, Свят, Свят еси́, Бо́же, Богоро́дицею поми́луй нас.

Го́споди, поми́луй. (12 раз)

Молит­ва ко Пре­свя­той Тро́ице

От сна воста́в, бла­го­да­рю́ Тя, Свята́я Тро́ице, я́ко мно́гия ра́ди Тво­ея́ бла́гости и долготерпе́ния не прогне́вался еси́ на мя, лени́ваго и гре́шнаго, ниже́ погуби́л мя еси́ со беззако́ньми мои́ми; но человеколю́бствовал еси́ обы́чно и в неча́янии лежа́щаго воздви́гл мя еси́, во е́же у́треневати и славосло́вити держа́ву Твою́. И ны́не про­све­ти́ мои́ о́чи мы́сленныя, отве́рзи моя́ уста́ поуча́тися словесе́м Твои́м, и разуме́ти за́поведи Твоя́, и твори́ти во́лю Твою́, и пе́ти Тя во исповеда́нии серде́чнем, и воспева́ти всесвято́е и́мя Твое́, Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.

Прииди́те, поклони́мся Царе́ви на́шему Бо́гу. (Поклон)

Прииди́те, поклони́мся и припаде́м Хри­сту́, Царе́ви на́шему Бо́гу. (Поклон)

Прииди́те, поклони́мся и припаде́м Само­му́ Хри­сту́, Царе́ви и Бо́гу на́шему. (Поклон)

Пса­лом 50

Поми́луй мя, Бо́же, по вели́цей ми́лости Твое́й, и по мно́жеству щедро́т Твои́х очи́сти беззако́ние мое́. Наипа́че омы́й мя от беззако́ния мое­го́, и от гре­ха́ мое­го́ очи́сти мя; яко беззако́ние мое́ аз зна́ю, и грех мой пре́до мно́ю есть вы́ну. Тебе́ Еди́ному согреши́х и лука́вое пред Тобо́ю сотвори́х, я́ко да оправди́шися во словесе́х Твои́х, и победи́ши вне­гда́ суди́ти Ти. Се бо, в беззако́ниих зача́т есмь, и во гресе́х роди́ мя ма́ти моя́. Се бо, и́стину возлюби́л еси́; безве́стная и та́йная прему́дрости Тво­ея́ яви́л ми еси́. Окропи́ши мя иссо́пом, и очи́щуся; омы́еши мя, и па́че сне́га убелю́ся. Слу́ху мое­му́ да́си ра́дость и весе́лие; возра́дуются ко́сти смире́нныя. Отвра­ти́ лице́ Твое́ от грех мои́х и вся беззако́ния моя́ очи́сти. Се́рдце чи́сто сози́жди во мне, Бо́же, и дух прав обно­ви́ во утро́бе мое́й. Не отве́ржи мене́ от лица́ Тво­е­го́ и Ду́ха Тво­е­го́ Свята́го не оты­ми́ от мене́. Возда́ждь ми ра́дость спасе́ния Твое́го и Ду́хом влады́чним утвер­ди́ мя. Научу́ беззако́ныя путе́м Твои́м, и нечести́вии к Тебе́ обратя́тся. Изба́ви мя от крове́й, Бо́же, Бо́же спасе́ния мое­го́; возра́дуется язы́к мой пра́вде Твое́й. Го́споди, устне́ мои отве́рзеши, и уста́ моя́ возвестя́т хва­лу́ Твою́. Я́ко а́ще бы восхоте́л еси́ же́ртвы, дал бых у́бо: всесожже́ния не благоволи́ши. Же́ртва Бо́гу дух сокруше́н; се́рдце сокруше́нно и смире́нно Бог не уничижи́т. Убла­жи́, Го́споди, благоволе́нием Твои́м Сио́на, и да сози́ждутся сте́ны Иерусали́мския. Тогда́ благоволи́ши же́ртву пра́вды, возноше́ние и всесожега́емая; тогда́ возложа́т на oлта́рь Твой тельцы́.

Сим­вол веры

Ве́рую во еди́наго Бо́га Отца́, Вседержи́теля, Твор­ца́ не́бу и зем­ли́, ви́димым же всем и неви́димым. И во еди́наго Го́спода Иису́са Хри­ста́, Сы́на Бо́жия, Единоро́днаго, И́же от Отца́ рожде́ннаго пре́жде всех век; Све́та от Све́та, Бо́га и́стинна от Бо́га и́стинна, рожде́нна, несотворе́нна, единосу́щна Отцу́, И́мже вся бы́ша. Нас ра́ди челове́к и на́шего ра́ди спасе́ния сше́дшаго с небе́с и воплоти́вшагося от Ду́ха Свя́та и Мари́и Де́вы и вочелове́чшася. Распя́таго же за ны при Понти́йстем Пила́те, и страда́вша, и погребе́нна. И воскре́сшаго в тре́тий день по Писа́нием. И возше́дшаго на небе­са́, и седя́ща одесну́ю Отца́. И па́ки гряду́щаго со сла́вою суди́ти живы́м и ме́ртвым, Его́же Ца́рствию не бу́дет кон­ца́. И в Ду́ха Свята́го, Го́спода, Животворя́щаго, И́же от Отца́ исходя́щаго, И́же со Отце́м и Сы́ном спокланя́ема и ссла́вима, глаго́лавшаго проро́ки. Во еди́ну Святу́ю, Собо́рную и Апо́стольскую Це́рковь. Испове́дую еди́но креще́ние во оставле́ние грехо́в. Ча́ю воскресе́ния ме́ртвых, и жи́зни бу́дущаго ве́ка. Ами́нь.

Молит­ва пер­вая, свя­то­го Мака­рия Великого

Бо́же, очи́сти мя гре́шнаго, я́ко николи́же сотвори́х благо́е пред Тобо́ю; но изба́ви мя от лука́ваго, и да бу́дет во мне во́ля Твоя́, да неосужде́нно отве́рзу уста́ моя́ недосто́йная и вос­хва­лю́ и́мя Твое́ свято́е, Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.

Молит­ва вто­рая, того же святого

От сна воста́в, полу́нощную песнь при­но­шу́ Ти, Спа́се, и припа́дая вопию́ Ти: не да́ждь ми усну́ти во грехо́вней сме́рти, но уще́дри мя, распны́йся во́лею, и лежа́щаго мя в ле́ности ускори́в возста́ви, и спа­си́ мя в предстоя́нии и моли́тве, и по сне нощне́м возсия́й ми день безгре́шен, Хри­сте́ Бо́же, и спа­си́ мя.

Молит­ва тре­тья, того же святого

К Тебе́, Влады́ко Человеколю́бче, от сна воста́в прибега́ю, и на дела́ Твоя́ подвиза́юся милосе́рдием Твои́м, и молю́ся Тебе́: помо­зи́ ми на вся́кое вре́мя, во вся́кой ве́щи, и изба́ви мя от вся́кия мирски́я злы́я ве́щи и диа́вольскаго поспеше́ния, и спа­си́ мя, и вве­ди́ в Ца́рство Твое́ ве́чное. Ты бо еси́ мой Сотвори́тель и вся́кому бла́гу Промы́сленник и Пода́тель, о Тебе́ же все упова́ние мое́, и Тебе́ сла́ву возсыла́ю, ны́не и при́сно и во ве́ки веко́в. Ами́нь.

Молит­ва чет­вер­тая, того же святого

Го́споди, И́же мно́гою Твое́ю бла́гостию и вели́кими щедро́тами Твои́ми дал еси́ мне, рабу́ Тво­е­му́, мимоше́дшее вре́мя но́щи сея́ без напа́сти прейти́ от вся́каго зла проти́вна; Ты Сам, Влады́ко, вся́ческих Тво́рче, сподо́би мя и́стинным Твои́м све́том и просвеще́нным се́рдцем твори́ти во́лю Твою́, ны́не и при́сно и во ве́ки веко́в. Ами́нь.

Молит­ва пятая, свя­то­го Васи­лия Великого

Го́споди Вседержи́телю, Бо́же сил и вся́кия пло́ти, в вы́шних живы́й и на смире́нныя призира́яй, се́рдца же и утро́бы испыту́яй и сокрове́нная челове́ков я́ве предве́дый, Безнача́льный и Присносу́щный Све́те, у Него́ же несть премене́ние, или́ преложе́ния осене́ние; Сам, Безсме́ртный Царю́, при­и­ми́ моле́ния на́ша, я́же в настоя́щее вре́мя, на мно́жество Твои́х щедро́т дерза́юще, от скве́рных к Тебе́ усте́н твори́м, и оста́ви нам прегреше́ния на́ша, я́же де́лом, и сло́вом, и мы́слию, ве́дением, или́ неве́дением согреше́нная на́ми; и очи́сти ны от вся́кия скве́рны пло́ти и ду́ха. И да́руй нам бо́дренным се́рдцем и тре́звенною мы́слию всю настоя́щаго жития́ нощь прейти́, ожида́ющим прише́ствия све́тлаго и явле́ннаго дне Единоро́днаго Твое́го Сы́на, Го́спода и Бо́га и Спа́са на́шего Иису́са Хри­ста́, в о́ньже со сла́вою Судия́ всех прии́дет, кому́ждо отда́ти по де́лом его́; да не па́дше и облени́вшеся, но бо́дрствующе и воздви́жени в де́лание обря́щемся гото́ви, в ра́дость и Боже́ственный черто́г сла́вы Его́ совни́дем, иде́же пра́зднующих глас непреста́нный, и неизрече́нная сла́дость зря́щих Твое́го лица́ добро́ту неизрече́нную. Ты бо еси́ и́стинный Свет, просвеща́яй и освяща́яй вся́ческая, и Тя пое́т вся тварь во ве́ки веко́в. Ами́нь.

Молит­ва шестая, того же святого

Тя благослови́м, вы́шний Бо́же и Го́споди ми́лости, творя́щаго при́сно с на́ми вели́кая же и неизсле́дованная, сла́вная же и ужа́сная, и́хже несть чис­ла́, пода́вшаго нам сон во упокое́ние не́мощи на́шея, и ослабле́ние трудо́в многотру́дныя пло́ти. Благодари́м Тя, якo не погуби́л еси́ нас со беззако́ньми на́шими, но человеколю́бствовал еси́ обы́чно, и в неча́янии лежа́щия ны воздви́гл еси́, во е́же славосло́вити держа́ву Твою́. Те́мже мо́лим безме́рную Твою́ бла́гость, про­све­ти́ на́ша мы́сли, оче­са́, и ум наш от тя́жкаго сна ле́ности возста́ви: отве́рзи на́ша уста́, и испо́лни я Твое́го хвале́ния, я́ко да возмо́жем непоколе́блемо пе́ти же и испове́датися Тебе́, во всех, и от всех сла́вимому Бо́гу, Безнача́льному Отцу́, со Единоро́дным Твои́м Сы́ном, и Всесвяты́м и Благи́м и Животворя́щим Твои́м Ду́хом, ны́не и при́сно и во ве́ки веко́в. Ами́нь.

Молит­ва седь­мая, ко Пре­свя­той Богоро́дице

Воспева́ю благода́ть Твою́, Влады́чице, молю́ Тя, ум мой обла­го­да­ти́. Ступа́ти пра́во мя наста́ви, путе́м Христо́вых за́поведей. Бде́ти к пе́сни укре­пи́, уны́ния сон отгоня́ющи. Свя́зана плени́цами грехопаде́ний, мольба́ми Твои́ми раз­ре­ши́, Богоневе́сто. В нощи́ мя и во дни сохраня́й, борю́щих враг избавля́ющи мя. Жизнода́теля Бо́га ро́ждшая, умерщвле́на мя страстьми́ ожи­ви́. Я́же Свет невече́рний ро́ждшая, ду́шу мою́ осле́пшую про­све­ти́. О ди́вная Влады́чня пала́то, дом Ду́ха Боже́ственна мене́ сотво­ри́. Вра­ча́ ро́ждшая, уврачу́й души́ моея́ многоле́тныя стра́сти. Волну́ющася жите́йскою бу́рею, ко сте­зи́ мя покая́ния напра́ви. Изба́ви мя огня́ ве́чнующаго, и че́рвия же зла́го, и та́ртара. Да мя не яви́ши бесо́м ра́дование, и́же мно́гим грехо́м пови́нника. Но́ва сотво­ри́ мя, обетша́вшаго нечу́вственными, Пренепоро́чная, согреше́нии. Стра́нна му́ки вся́кия пока­жи́ мя, и всех Влады́ку умо­ли́. Небе́сная ми улучи́ти весе́лия, со все́ми святы́ми, сподо́би. Пресвята́я Де́во, услы́ши глас непотре́бнаго раба́ Тво­е­го́. Струю́ дава́й мне слеза́м, Пречи́стая, души́ моея́ скве́рну очища́ющи. Стена́ния от се́рдца при­но­шу́ Ти непреста́нно, усе́рдствуй, Влады́чице. Моле́бную слу́жбу мою́ при­и­ми́, и Бо́гу благоутро́бному при­не­си́. Превы́шшая А́нгел, мирска́го мя превы́шша сли́тия сотво­ри́. Светоно́сная Се́не небе́сная, духо́вную благода́ть во мне напра́ви. Ру́це возде́ю и устне́ к похвале́нию, оскверне́ны скве́рною, Всенепоро́чная. Душетле́нных мя па́костей изба́ви, Хри­ста́ приле́жно умоля́ющи; Ему́же честь и поклоне́ние подоба́ет, ны́не и при́сно и во ве́ки веко́в. Ами́нь.

Молит­ва вось­мая, ко Го́споду на́шему Иису́су Христу́

Многоми́лостиве и Всеми́лостиве Бо́же мой, Го́споди Иису́се Хри­сте́, мно́гия ра́ди люб­ве́ сшел и воплоти́лся еси́, я́ко да спасе́ши всех. И па́ки, Спа́се, спа­си́ мя по благода́ти, молю́ Тя; а́ще бо от дел спасе́ши мя, несть се благода́ть, и дар, но долг па́че. Ей, мно́гий в щедро́тах и неизрече́нный в ми́лости! Ве́руяй бо в Мя, рекл еси́, о Хри­сте́ мой, жив бу́дет и не у́зрит сме́рти во ве́ки. А́ще у́бо ве́ра, я́же в Тя, спаса́ет отча́янныя, се ве́рую, спа­си́ мя, я́ко Бог мой еси́ Ты и Созда́тель. Ве́ра же вме́сто дел да вмени́тся мне, Бо́же мой, не обря́щеши бо дел отню́д оправда́ющих мя. Но та ве́ра моя́ да довле́ет вме́сто всех, та да отвеща́ет, та да оправди́т мя, та да пока́жет мя прича́стника сла́вы Тво­ея́ ве́чныя. Да не у́бо похи́тит мя сата­на́, и похва́лится, Сло́ве, е́же отто́ргнути мя от Тво­ея́ руки́ и огра́ды; но или́ хощу́, спа­си́ мя, или́ не хощу́, Хри­сте́ Спа́се мой, пред­ва­ри́ ско́ро, ско́ро погибо́х: Ты бо еси́ Бог мой от чре́ва ма́тере моея́. Сподо́би мя, Го́споди, ны́не возлюби́ти Тя, я́коже возлюби́х ино­гда́ той са́мый грех; и па́ки порабо́тати Тебе́ без ле́ности то́щно, я́коже порабо́тах пре́жде сатане́ льсти́вому. Наипа́че же порабо́таю Тебе́, Го́споду и Бо́гу мое­му́ Иису́су Хри­сту́, во вся дни живо­та́ мое­го́, ны́не и при́сно и во ве́ки веко́в. Ами́нь.

Молит­ва девя­тая, к Анге­лу хранителю

Святы́й А́нгеле, предстоя́й окая́нной мое́й души́ и стра́стной мое́й жи́зни, не оста́ви мене́ гре́шнаго, ниже́ отсту­пи́ от мене́ за невоздержа́ние мое́. Не да́ждь ме́ста лука́вому де́мону облада́ти мно́ю, наси́льством сме́ртнаго сего́ теле­се́; укре­пи́ бе́дствующую и худу́ю мою́ ру́ку и наста́ви мя на путь спасе́ния. Ей, святы́й А́нгеле Бо́жий, храни́телю и покрови́телю окая́нныя моея́ души́ и те́ла, вся мне про­сти́, ели́кими тя оскорби́х во вся дни живо­та́ мое­го́, и а́ще что согреши́х в преше́дшую нощь сию́, покры́й мя в настоя́щий день, и сохра­ни́ мя от вся́каго искуше́ния проти́внаго, да ни в ко́ем гре­се́ прогне́ваю Бо́га, и моли́ся за мя ко Го́споду, да утверди́т мя в стра́се Свое́м, и досто́йна пока́жет мя раба́ Сво­ея́ бла́гости. Ами́нь.

Молит­ва деся­тая, ко Пре­свя­той Богоро́дице

Пресвята́я Влады́чице моя́ Богоро́дице, святы́ми Твои́ми и всеси́льными мольба́ми отже­ни́ от мене́, смире́ннаго и окая́ннаго раба́ Тво­е­го́, уны́ние, забве́ние, неразу́мие, нераде́ние, и вся скве́рная, лука́вая и ху́льная помышле́ния от окая́ннаго мое­го́ се́рдца и от помраче́ннаго ума́ мое­го́; и пога­си́ пла́мень страсте́й мои́х, я́ко нищ есмь и окая́нен. И изба́ви мя от мно́гих и лю́тых воспомина́ний и предприя́тий, и от всех действ злых сво­бо­ди́ мя. Я́ко благослове́на еси́ от всех родо́в, и сла́вится пречестно́е и́мя Твое́ во ве́ки веко́в. Ами́нь.

Молит­вен­ное при­зы­ва­ние свя­то­го, имя кото­ро­го носишь

Моли́ Бо́га о мне, святы́й уго́дниче Бо́жий (имя), я́ко аз усе́рдно к тебе́ прибега́ю, ско́рому помо́щнику и моли́твеннику о душе́ мое́й.

Песнь Пре­свя­той Богородице

Богоро́дице Де́во, ра́дуйся, Благода́тная Мари́е, Госпо́дь с Тобо́ю; благослове́на Ты в жена́х и благослове́н плод чре́ва Тво­е­го́, я́ко Спа́са роди­ла́ еси́ душ на́ших.

Тро­парь Кре­сту и молит­ва за отечество

Спа­си́, Го́споди, лю́ди Твоя́, и бла­го­сло­ви́ достоя́ние Твое́, побе́ды правосла́вным христиа́ном на сопроти́вныя да́руя, и Твое́ сохраня́я Кресто́м Твои́м жи́тельство.

Молит­ва о живых

Спа­си́, Го́споди, и поми́луй отца́ мое­го́ духо́внаго (имя), роди́телей мои́х (име­на), сро́дников (име­на), нача́льников, наста́вников, благоде́телей (име­на) и всех правосла́вных христиа́н.

Молит­ва о усопших

Упоко́й, Го́споди, ду́ши усо́пших раб Твои́х: роди́телей мои́х, сро́дников, благоде́телей (име­на), и всех правосла́вных христиа́н, и про­сти́ им вся согреше́ния во́льная и нево́льная, и да́руй им Ца́рствие Небе́сное.

Если можешь, читай вме­сто крат­ких молитв о живых и усоп­ших этот помянник:

О живых

Помя­ни́, Го́споди Иису́се Хри­сте́, Бо́же наш, ми́лости и щедро́ты Твоя́ от ве́ка су́щия, и́хже ра́ди и вочелове́чился еси́, и распя́тие и смерть, спасе́ния ра́ди пра́во в Тя ве́рующих, претерпе́ти изво́лил еси́; и воскре́с из ме́ртвых, возне́слся еси́ на небе­са́ и седи́ши одесну́ю Бо́га Отца́, и призира́еши на смире́нныя моль­бы́ всем се́рдцем призыва́ющих Тя: при­к­ло­ни́ у́хо Твое́, и услы́ши смире́нное моле́ние мене́, непотре́бнаго раба́ Тво­е­го́, в воню́ благоуха́ния духо́внаго, Тебе́ за вся лю́ди Твоя́ принося́щаго. И в пе́рвых помя­ни́ Це́рковь Твою́ Святу́ю, Собо́рную и Апо́стольскую, ю́же снабде́л еси́ честно́ю Твое́ю Кро́вию, и утвер­ди́, и укре­пи́, и раз­ши­ри́, умно́жи, уми­ри́, и непребори́му а́довыми вра­ты́ во ве́ки сохра­ни́; раздира́ния Церкве́й ути­ши́, шата́ния язы́ческая уга­си́, и ересе́й воста́ния ско́ро разо­ри́ и иско­ре­ни́, и в ничто́же си́лою Свята́го Тво­е­го́ Ду́ха обра­ти́. (Поклон)

Спа­си́, Го́споди, и поми́луй богохрани́мую стра­ну́ на́шу, вла́сти и во́инство ея́, огра­ди́ ми́ром держа́ву их, и поко­ри́ под но́зе правосла́вных вся́каго вра­га́ и супоста́та, и глаго́ли ми́рная и блага́я в сердца́х их о Це́ркви Твое́й Святе́й, и о всех лю́дех Твои́х: да ти́хое и безмо́лвное житие́ поживе́м во правове́рии, и во вся́ком благоче́стии и чисто­те́. (Поклон)

Спа­си́, Го́споди, и поми́луй Вели́каго Господи́на и Отца́ на́шего Святе́йшего Патриа́рха (имя), преосвяще́нныя митрополи́ты, архиепи́скопы и епи́скопы правосла́вныя, иере́и же и диа́коны, и весь при́чет церко́вный, я́же поста́вил еси́ пасти́ слове́сное Твое́ ста́до, и моли́твами их поми́луй и спа­си́ мя гре́шнаго. (Поклон)

Спа­си́, Го́споди, и поми́луй отца́ мое­го́ духо́внаго (имя его), и святы́ми его́ моли́твами про­сти́ моя́ согреше́ния. (Поклон)

Спа­си́, Го́споди, и поми́луй роди́тели моя́ (име­на их), бра́тию и се́стры, и сро́дники моя́ по пло́ти, и вся бли́жния ро́да мое­го́, и дру́ги, и да́руй им ми́рная Твоя́ и преми́рная блага́я. (Поклон)

Спа­си́, Го́споди, и поми́луй по мно́жеству щедро́т Твои́х вся священнои́ноки, и́ноки же и и́нокини, и вся в де́встве же и благогове́нии и по́стничестве живу́щия в монастыре́х, в пусты́нях, в пеще́рах, гора́х, столпе́х, затво́рех, разсе́линах ка́менных, острове́х же морски́х, и на вся́ком ме́сте влады́чествия Тво­е­го́ правове́рно живу́щия, и благоче́стно служа́щия Ти, и моля́щияся Тебе́: облег­чи́ им тяго­ту́, и уте́ши их скорбь, и к по́двигу о Тебе́ си́лу и кре́пость им пода́ждь, и моли́твами их да́руй ми оставле́ние грехо́в. (Поклон)

Спа­си́, Го́споди, и поми́луй ста́рцы и ю́ныя, ни́щия и сиро­ты́ и вдови́цы, и су́щия в боле́зни и в печа́лех, беда́х же и ско́рбех, обстоя́ниих и плене́ниих, темни́цах же и заточе́ниих, изря́днее же в гоне́ниих, Тебе́ ра́ди и ве́ры правосла́вныя, от язы́к безбо́жных, от отсту́пник и от еретико́в, су́щия рабы́ Твоя́, и помя­ни́ я, посе­ти́, укре­пи́, уте́ши, и вско́ре си́лою Твое́ю осла́бу, свобо́ду и изба́ву им пода́ждь. (Поклон)

Спа­си́, Го́споди, и поми́луй благотворя́щия нам, ми́лующия и пита́ющия нас, да́вшия нам ми́лостыни, и запове́давшия нам недосто́йным моли́тися о них, и упокоева́ющия нас, и сотво­ри́ ми́лость Твою́ с ни́ми, да́руя им вся, я́же ко спасе́нию проше́ния, и ве́чных благ восприя́тие. (Поклон)

Спа­си́, Го́споди, и поми́луй по́сланныя в слу́жбу, путеше́ствующия, отцы́ и бра́тию на́шу, и вся правосла́вныя христиа́ны. (Поклон)

Спа­си́, Го́споди, и поми́луй и́хже аз безу́мием мои́м соблазни́х, и от пути́ спаси́тельнаго отврати́х, к де́лом злым и неподо́бным приведо́х; Боже́ственным Твои́м Про́мыслом к пути́ спасе́ния па́ки воз­вра­ти́. (Поклон)

Спа­си́, Го́споди, и поми́луй ненави́дящия и оби́дящия мя, и творя́щия ми напа́сти, и не оста́ви их поги́бнути мене́ ра́ди, гре́шнаго. (Поклон)

Отступи́вшия от правосла́вныя ве́ры и поги́бельными ересь­ми́ ослепле́нныя, све́том Тво­е­го́ позна́ния про­све­ти́ и Святе́й Твое́й Апо́стольстей Собо́рней Це́ркви при­чти́. (Поклон)

О усоп­ших

Помя­ни́, Го́споди, от жития́ сего́ отше́дшия святе́йшия патриа́рхи, преосвяще́нныя митрополи́ты, архиепи́скопы и епи́скопы правосла́вныя, во иере́йстем же и в при́чте церко́внем, и мона́шестем чи́не Тебе́ послужи́вшия, и в ве́чных Твои́х селе́ниих со святы́ми упоко́й. (Поклон.)

Помя­ни́, Го́споди, ду́ши усо́пших рабо́в Твои́х, роди́телей мои́х (име­на их), и всех сро́дников по пло́ти; и про­сти́ их вся согреше́ния во́льная и нево́льная, да́руя им Ца́рствие и прича́стие ве́чных Твои́х благи́х и Тво­ея́ безконе́чныя и блаже́нныя жи́зни наслажде́ние. (Поклон)

Помя­ни́, Го́споди, и вся в наде́жди воскресе́ния и жи́зни ве́чныя усо́пшия, отцы́ и бра́тию на́шу, и се́стры, и зде лежа́щия и повсю́ду, правосла́вныя христиа́ны, и со святы́ми Твои́ми, иде́же присеща́ет свет лица́ Тво­е­го́, все­ли́, и нас поми́луй, я́ко Благ и Человеколю́бец. Ами́нь. (Поклон)

Пода́ждь, Го́споди, оставле́ние грехо́в всем пре́жде отше́дшим в ве́ре и наде́жди воскресе́ния, отце́м, бра́тиям и се́страм на́шим и сотво­ри́ им ве́чную па́мять. (Три­жды)

Окон­ча­ние молитв

Досто́йно е́сть я́ко вои́стину блажи́ти Тя Богоро́дицу, Присноблаже́нную и Пренепоро́чную и Ма́терь Бо́га на́шего. Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу Тя велича́ем[5] .

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Го́споди, поми́луй. (Три­жды)

Го́споди, Иису́се Хри­сте́, Сы́не Бо́жий, молитв ра́ди Пречи́стыя Тво­ея́ Ма́тере, преподо́бных и богоно́сных оте́ц на́ших и всех святы́х поми́луй нас. Ами́нь.

[1] Выде­лен­ные от основ­но­го тек­ста при­ме­ча­ния и назва­ния молитв не чита­ют­ся во вре­мя молитвы. [2] От Пас­хи до Воз­не­се­ния вме­сто этой молит­вы чита­ет­ся тро­парь: «Христо́с воскре́се из ме́ртвых, сме́ртию смерть попра́в, и су́щим во гробе́х живо́т дарова́в». (Три­жды) От Воз­не­се­ния до Тро­и­цы начи­на­ем молит­вы со «Святы́й Бо́же…», опус­кая все пред­ше­ству­ю­щие. Это заме­ча­ние отно­сит­ся и к молит­вам на сон грядущим. [3] В молит­во­сло­вах и бого­слу­жеб­ных кни­гах часто пишут крат­ко «Сла́ва», «И ны́не», но читать надо пол­но­стью: «Сла́ва Отцу́ и Сы́ну и Свято́му Ду́ху», «И ны́не и при́сно и во ве́ки веко́в. Ами́нь» [4] В цер­ков­но­сла­вян­ском язы­ке нет зву­ка ё, а поэто­му надо читать «зове́м», а не «зовём», «твое́», а не «твоё», «мое́», а не «моё» и т. д. [5] От Пас­хи до Воз­не­се­ния вме­сто этой молит­вы чита­ет­ся при­пев и ирмос 9‑й пес­ни пас­халь­но­го кано­на: «А́нгел вопия́ше Благода́тней: Чи́стая Де́во, ра́дуйся! И па́ки реку́: ра́дуйся! Твой Сын воскре́се тридне́вен от гро́ба и ме́ртвыя воздви́гнувый; лю́дие, весели́теся! Свети́ся, свети́ся, но́вый Иерусали́ме, сла́ва бо Госпо́дня на тебе́ воз­сия́. Лику́й ны́не и весели́ся, Сио́не. Ты же, Чи́стая, красу́йся, Богоро́дице, о воста́нии Рож­де­ства́ Тво­е­го́». Это заме­ча­ние отно­сит­ся и к вечер­ним молитвам.